أضف سؤال أو موضوع جديد          

ماتفعله مراكز الصيانة الكبرى بي ام ومرسيدس بشهادة صاحب ورشة

up 8 down 4
YASSER505 4154
قبل 6 سنه و 6 شهر



السلام عليكم ورحمة الله وبركاته

يا اخوان من اول وانا اصايح بالموقع قبل مايفتح المنتدى عن نصب المراكز الكبيرة الي اشوف ناس بالردود يوصون عليها

بشهادة صاحب ورشة اقول لكم التالي والقصة الاولى على ذمته والقصة الثانية على ذمتي

بسم الله

صاحب ورشة صديق لاحد الاخوة يقول جاءت سيارة بي ام دبليو الفئة السابعة موديل 2010 لجاره بالصناعية " طبعا هم من المراكز الكبرى لم يزودني ب اسم المركز " وكانت لاتعمل
فطبعاً صاحبها جايبها على سطحه وقال صلحوها

فكان علطها طرنبة بنزين
فقاموا بإحضار وحده مستعمله وتركيبها وقامو بعمل حيلة خبيثه اخرى تجدونها بالسطور ادناه
فأتى صاحب السياره وقالو له السياره كان فيها كذا وكذا وكذا وغيرنا مليون شغله وكذا
وصاحب السياره انبسط
وقالو له حسابك 12 الف ,,, طبعاً الساذج دفعها
يوم جا يرجع القير مارجع
جا يقدم القير مارجع
قال لهم ايش فيه ؟؟؟ قال السياره جتنا على سطحه ماندري قال لهم افحصوها , وشوي قالو له القير مخبط , قال غيرووه ,, الي حاصصل ,,,, عيال الحرام فاكين قير السيارة الصالح واستبدلوه بواحد عطلان وقاموا بارجاع القير نفسه واخذوا على الرجال 28 الف ريال " هالكلام عام 2010 " وعلى ذمة صاحب المركز ... لعن الله النصابين



اما القصة التالية وعلى ذمتي التااااامة وشهادة عيني

احد اخوان احد الزملاء يملك بي ام دبليو الفئة السابعة ايضاً حصل فيها طقه بالقير اثناء التعشيق او اثناء تخفيف السرعه ... ومع الوقت بدأت تزداد هذه الطقه لدرجة انه كره السياره واعطاها لاخوه وقال له " بعهاااا لو بريال " لان بعد كشف نصابين المراكز قالو له القير مخبط ولازم له تغيير ,,,, المهم راح المعارض وجا احد الاشخاص من الجنسية العربية وقام بسومها ب 50 الف ريال ف ق ط
والسياره ماشيه 100 الف كيلومتر فقط وقالوا تم ذلك مشينا لمكتب المبايعه " طبعاً وضحوا له العطل " ,,, وشوي الي كان بيشتري طمع ... وشافهم يبون الفكه من السياره قال لهم خلاص باخذها ب 35 الف ... وتبادلو الملاسنه نظرا لطمع المشتري بصورة خبيثه,,,, ثم عدل صديقي عن البيع وقام باستخدام السياره لنفسه وبعد فتره من الزمن ظهر له تفتفه ولمبة بالسياره ,, فذهب الى احد المراكز " الي يخافون الله " وقال له العطل هو العوامه ,, ولازم نفك التانكي وشغلة طويييله , جيب تانكي صالح من التشليح اوفر لك ,,, فقام صديقي بشراء التانكي وقام المهندس بفك العمود لانزال التانكي القديم ,,,
فتم اكتشاف عطل القير خخخخخخخخخخخ


كان فيه ربله فيها 6 صواميل فيها فضاوة وهذي هي سبب الطقه بالتعشيق وتم تغييرها بقيمة القطعه فقط لان شغل اليد ماراح يزيد ابداً

وهذي هي السياره الان ماشاء الله تبارك الله تستخدم من قبل صاحبها " الذي كرهها هههه " وكان يعتقد بان القير مخبط من نصب عيال الحرام حقين المراكز الكبرى


اسف عالاطاله











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


واذكر لكم قصة اضافية يوم كان معي فورد فوكس

رحت لواحد عشان فيها تفتفه وتطفي

راح قال لي هذي فيها وفيها وفيها وفيها ,, قلت جارك يقول اسلاك بواجي ويمكن شي ثاني

قال لا هذاك مايعرف قلت لا انت نصاب ومن هالكلام بس بشكل مو مباشر

راح قال,, شوف بالعربي

اذا جتنا فورد فوكس او فورد مونديو او اوبل اوميقا نجلس نتشرط بالاشياء وهي عطلها بسيط والزبون يهز راسه مايعرف شي عنها لانها نادر تلقى احد يصلحها ,,, وتوكل على الله


يعني شوفوا البجاحه يعترف بالنصب ,, وطبعا صلحتها مجانا هههههه كان فيه تهريب كهربا وحط لي الفلبيني عليه شحم وقال اقرب فرصه غير السلك القصير رقم 4 وقلت كم تبي قال NONONONO ومشى ومدري كم حطيت بجيبه غصب عنه ومشيت

شوفوا كيف الاجانب الغير مسلمين صادقين والعرب المسلمين ينصبون على اخوانهم ؟؟؟ ياحسافة بس


up 9 down 1
YASSER505 4154
قبل 6 سنه و 6 شهر



بقولكم قصتي كان عندي ماركيز 2008 امريكي كان التعشيق من النمرة الاولى للثانية يعلق ويطق ويتاخر رحت كذا محل قالوا توضيب قلت اروح لمركز مشهور جنب الفحص الدوري بجدة لوحته كبيرة متخصصين فورد قال فحص كمبيوتر قلت تم واتفقنا على سعر الفحص 100 ريال جلس يفحص يمكن ساعه وجربها شوي جاني بلسته يقول عندك القير يحتاج توضيب وحساس السرعه مايقرا زين وبلف الحرارة مو تمام المهم قال توضيب القير ب6500 وضمان ست شهور ضحكت ومشيت اليوم الثاني قلت بغير زيتها وفلتر وبشوف ياتزين او تخرب رحت للوكاله اخذت زيت وفلتر واقرب بنشري يوم فك الصاجة بانت المشكلة كان الفلتر طايح مهب راكب مكانه غيرت الفلتر والزيت ومشي تمام وبعتها ولا فيه شي جد لالحد يروح محل واحد او ثنين وابدا دايم بالمشاكل الصغيرة فلتر حساس قبل تسوي امور كبيرة


up 4 down 0
موووت احبك 1623
قبل 6 سنه و 6 شهر



تبديل القطع بقطع مستعمله وخربانه يبدع فيها ابو شكيم وأبو يمن


up 3 down 5
mcmanaman 1802
قبل 6 سنه و 6 شهر



والله انا يلعبون علينا اصحاب الورشانا كان عندي كامري ٢٠٠٠وفجأة يوم قمت الصباح رايح للعمل الا السيارة طايح عزمها وياالله تمشي اقصي سرعة ٨٠المهم رحة عليها للعمل ويوم طلعة مرية صناعية الدائري قلت خلني اشوف ايش فيها وامر اول ورشة قال هذي يبي لها تغير راس المكينة وصنفرة بلوف والثاني قال بخاخات وكل واحد يعطيك من راسة المهم واشوف صيانة عبدالطيف جميل قلت بس مابعد الوكالة شي المهم واروح لهم واقابل المسؤل عن الصيانة قال لزم نسوي لها فحص ونعلمك ايش المشكلة وما فية الا بكرة ودخلت السيارة عندهم وامرهم من بكرة واحصلة مقابلني بورقة اعتقد ماخلي شي في السيارة الا بيغيرة بحوالي ١٨٠٠٠ريال البخاخات والبلوف واشياء كثيرة قلت هذي سيارة تشليح ورا ماتعطيني ١٨٠٠٠وتاخذ السيارة قال احني تصليح فقط واعطية قيمة الفحص واطلع السيارة واذكر فني فلبيني يشتغل عندة واحد من الأصدقاء يمدحة في الصناعية القديمة ورشة العلياء والفني اسمة جورج طبعن الورشة الحين صار كلها يمنية يتعلمون في الناس بعد ماكانت كلها عمالة فلبينية وما بقي الا هو معهم المهم يوم جيتة وشرحتلة المشكلة علي طول عرف ايش المشكل قال جيب بواجي واسلاكبواجي وسئلني هل غيرت سير التيمن قلت لا قال غيرة احسن ودخلت السيارة عندة قبل الظهر والعشاء ونا مستلم السيارة جديدة احسن من اول ولا كلفة ٩٠٠ريال
واسف للأطالة


up 2 down 0
الحيران421 72
قبل 6 سنه و شهر



صار النصب واستغلال حاجات الناس وجهلهم هو السمة السائدة الان 
والادهي والامر ان تجد ذالك من مسلم .. ألم يعلم حديث نبينا الكريم صلى الله عليه وسلم ( من غشنا فليس منا) 
والعيب كل العيب ان نترك انفسنا لنصاب بالنكبات والاستغلال تباعا.
كل واحد اذا حصل معاه مشكله وعرف نوعها يعرضها فى مواقع الانترنت حتى يتسني للجيع رؤيتها والتعلم منها ولو صادف
ورشة بها نصب أو استغلال فليحذر الجميع منها ولنتذكر قول نبينا الكريم (عليه الصلاة والسلام) (( الدين النصيحه))
اسأل الله أن يجنبنا الزلل وسوء المنقلب فى المال والاهل والولد وأن يرزقنا الاخلاص فى القول والعمل .. اللهم آمين 
خالص التحيه للجميع 


up 1 down 0
aighmm 30
قبل 6 سنه و شهر



ورشة الشعله " مديرها شخص يكنى ب ابو مشعل شعره طويل وسوري وله دقن قبل 5 سنوات "

ودينا السياره عنده 4 مرات

ويوم جبناه للشرطة اعترف انه ماسوا شي والزمناه يفك المكينه امامنا شخصياً عشان نتأكد وبعدين اتصل علينا قال تعالوا خذوا فلوسكم ماعرفت لها " كاديلاك ديفل "




up 0 down 0
YASSER505 4154
قبل 6 سنه و شهر



معاي واحد من الشباب اشتريت كلزلرمن المعرض جديده وركبت عليها الوح رحت غيرت الزيت ولعة لمبة المكينة لاني ماغيرت زيتها طبعا عادي قلت لصديقي ايش رائيك نمر ورشة ونقولهم افحصوها نشوفهم تجربة ايش يقولوا
رحنا لصناعية فحصوها على الكمبيوتر طلعوا فيها اكثر من خراب بالمكينة جلست اضحك وصديقي يضحك استغربوا ايش سبب ضحكنا تفلت بوجه العامل وركبت السيارة وروحت
يناس لاتنتظروا شخص جاي من بيئة لادين ولا اخلاق تلقاء عنده الذمه والظمير انسا


up 2 down 4
محمد محمد. 3
قبل 5 سنه و 8 شهر



صحيح  كلامك اكثرهم يكون سوري او لبناني او فلسطيني اردني هذه حركاتهم 


up 1 down 0
الغرف العزابيه للعمري 28
قبل 3 سنه و 11 شهر



اخ ياسر اتمنى توضح هل سيارت صاحبك لمن يهدي يحس فيها دقه وايش هيا الربله وهل هي تاثر على التبديل


up 1 down 1
سهم المنايا 53
قبل 3 سنه و 8 شهر



ايوه بالظبط .. اذا هدا ورجع القير تطق واذا مشى بالقير الثالث احيانا ترجف 
القطعه هي ربله فيها حوالي 10 فتحات مسامير تربط العمود بالدفرنس ويوم نزل التانكي لازم تنفك وبعدها القير عسل 


up 0 down 0
YASSER505 4154
قبل 3 سنه و 8 شهر



من تجربة
شركة تاسك للسيارت في الرياض هي شركة رائعة للصيانة وسمكرة وبوية سيارات بأحدث تقنية وبأسعار منافسة للغاية وهي الوكيل الحصري للفوكس واجن وشركة جيديا وهي من شركات المميزة ذات خدمات عالية الجودة
وهذا موقع شركة على نت www.tasc-ksa.tk
وللتواصل 0504780989


up 0 down 1
adnan1966 -112
قبل 2 سنه و 3 شهر



شباب يعطيكم العافيه
انا والله دخت السبع دوخات معي بي ام ذبليوم 2005 ماشي 150000 استخدام حشمه من الوكاله
في الاونه الاخيره صار فيه طقه ورجفه مثل ماذكر الاخ اللي غيرو له الربله
لكن زياده علئ كذا اذا ارتفعت حرارة الجو عندنا في الرياض يفصل القير وتولع لمبة القير بالطبلون اللي هي ترانس ميشن درايف قير بركس
وبعد اعادة البرمجه يرجع مافيه شي
يوم يومين ترجع المشكله
اللي عملته بالقير غيرت الزيت مع الفلتر
نظفو البلف بدي
غيرو السنسر
فحصو الكلتشات حصلوها سليمه

فسئلت شخص سعودي مكانيكي سابق بالاماني شايب
قال شفلك ورشه كويسه وغير حساس القير وغير معه حساس حرارة القير
وصنفر سلك السالب اللي يجي بالبودي خلف الكفر الايمن

والي الان ماحصلت ورشه تقوم بما طلب الشايب المكانيكي كل اللي حصلت الله يهديهم من الجاليات العربيه مايصدقون تطيح بديهم ويطلعون لك الف عله
فسئلت الرجال نفسه الكانيكي كم يكلف اللي طلبته ياعم قالي يكلفك مايقارب 400 ريال بالكثير شغل ساعه تقريبا
ولو اني بحيلي ونشاطي ماخليتك تروح لحد ثاااني

المطلوب واسف للاطاله ابي ورشه تخاف الله في كل قرش يدخل عليها وتبي تكسب زباين
وين القاهم ياجماعة الخير


up 0 down 0
روعة العود
قبل 3 أسبوع و 4 يوم