أضف سؤال أو موضوع جديد          

المشوره من اهل الخبره ابيع الموتر ولا اخليه 740 98

up 4 down 0
Ahmad356 518
قبل 8 سنه و 3 شهر



بسم الله الرحمن الرحيم 
تحيه طيبه للجميع

اخوكم في الله محتار معي بي ام 98 740 مافيه اي مشكله تذكر انفديجول وهو سيارتي الثانيه واستخدامي جدا بسيط له بالاسبوع يوم تقريبا لونه اسود وداخليته جلد احمر شد بلد حاليا يحتاج صيانه بعض الامور البسيطه ومحتار جدا هل اسويها ولا ابيعه على امل شراء 745 قريبا 

كفرات تغير لانه قديمه صيانه اذرعه ومساعدات تربيط تهريب زيت من الامام الزيت ينزل وخفيف جدا تغيير زيت قير تغيير ذراع الدرج داخلي كمبيوتر حساسات اللي يجي عند رجل الراكب الامامي تنجيد مقعدين اماميه فقط صيانه سي دي كاسيت شاشه صيانه تنده لانها بس ترفع على فوق تلميع المهم قدرتها تقريبا من خلال خبرتي حول 8000 الاف ريالوالسياره في افضل الاحوال حاليا مارح تجيب غير 15 او حولها مع العلم اني شريتها قبل سنتين وتكلفتها علي بجميع مصارفيها 30 الف
المهم عطونا العلم هل اصلحها او ابيعها وهل تكلفه الاصلاح صحيحه اللي ذكرتها مع تحياتي للجميع







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


اذا الصيانه اللي بتسويها بترفع من قيمة الموتر وترجع خسارتك بالصيانه سوها

واذا بس بتزيد الطين بله وتخسر مبلغ وقدره وووقتك عشان تزيد مبلغ الف ولا الفين 

لا والله بيعه ع حالته والله يعوضك 

بالتوفيق


up 4 down 0
مدرس عاطل 4
قبل 8 سنه و 3 شهر



بيعها على حالها والله يعوضك وال 8 الاف يلي بتصلح فيها حطها على السياره يلي بتشتريها


up 3 down 0
فارس الجبيل 99
قبل 8 سنه و 3 شهر



بيعها افضل لك السيارة لها عمر وخلصت ... زي ماقلوا الاخوان بتخسر عالفاضي بعها افضل وهذا رأي ... ولك لايك


up 2 down 0
nabel.ale 17
قبل 8 سنه و 3 شهر



يعني رايكم ابيعه افضل خصوصا اني ما استخدمه الا نادرا !!!


up 1 down 0
Ahmad356 518
قبل 8 سنه و 3 شهر



شي من القرن الماضي لاتخليه  لو كان عندنا مهندسين صح كان اقللك القديم افضل لاكن الان الدنيا عندنا اصبحت طمع وجشع  وضمير غير موجود  كل العماله اللي عندنا بس يبغى يلهف  مره كان معاي مرسيدس  جايبه من المانيا وكان فيه واحد سوري ابن حرام مهو قادر يفكه قللي روح  تقهوى  وتعال بعد نصف ساعه وانا من عادتي  اخرج بعدين ادخل فجأه  والا اخينا في الله  يضرب في العضلات بكل قوه  بفأس كالهراوه كاأنه يبغى يحلل السياره واروح اجيبله الشرطه  ورفضت الا ادفعه قيمه العضلات جديده اصلي  وتعهد عليه  لان كثير من شبابنا اللى راحوا الى رحمه الله  من هولاء العتلجيه الحاقدين  حسبنا الله ونعم الوكيل على اللي مايخاف الله  اسف على الاطاله 


up 3 down 0
فيليب مارسيل 82
قبل 8 سنه و 3 شهر



كنك منت مقتنع ياخوي بيعه خخخخخ

انا امس منزل اعلان ادور مكينه لمرسيدس ٥٦٠

واليوم بايعه  باللي هيبه واول سومه 

واقول يارب عسى راعيه مايرجعه بس خخخخ


up 3 down 0
مدرس عاطل 2 43
قبل 8 سنه و 3 شهر



المكاين قليله وغاليه موب مثل قبل 


قبل اربع سنوات ومنع التصدير 

مكينه ال٥٦٠ من ٢٥٠٠ الى ٤٠٠٠
مع التركيب 

اللحين بدت تووصل ٦٠٠٠ الاف بدون تركيب

القير كان ٨٠٠ ريال   واللحين يوصل ١٨٠٠


الشبح ٦٠٠
مكينته كانت ٣٥٠٠ اللحين على على ٦٠٠٠
 المشكله مب بالسعر معاد تلقى النظيف من القطع المستعمل حجرلونا عساهم مايذوقون 
طعم الراحه


up 5 down 0
مدرس عاطل 2 43
قبل 8 سنه و 3 شهر



المشكله مثل ماقلتو الورش نصابين 
وقطع الغياربدت تصير نادره
والله المستعان للحين مني عارف ايش الافضل مع العلم لو اني صلحتها رح اكرفها سنتين قدام !!
لايك للجميع


up 1 down 0
Ahmad356 518
قبل 8 سنه و 3 شهر



يقولون ان من95 ونازل ماتلقى القطع ابدااا


up 0 down 0
الحكيم 7777
قبل 2 سنه