هذا الموضوع تمت ازالته

الشي الوحيد اللي اقدر افيدك فيه انو بي ام دبليو ماتعرف شي اسمه راتب عادي عل قولك يبغالك ميزانيه 

سلام عليكم اخوي العزيز شوف الالماني بشكل عام رااحه تاامه في الخطوط وداخل المدينه لاكنه خرابته كثيره وهذا الشي الاهم لان والله قطعه ناار وانا انصحك وما انصخك وانت بكيفك

من يقول الألماني خراباته كثيره فهو لا يفقه في الموديلات الحديثة! الكلام هذا في السابق عندما كانت شركات السيارات تختبر سياراتها في أوروبا وأمريكا فقط دون مراعاة لطقس منطقتنا أما الآن فهي تقوم بعمل اختباراتعا في دبي المقاربة أجواؤها لأجواء منطقتنا الحارة.
عموماً نصيحة لك أخي الفاضل بأن هناك شكل جديد سينزل للسيارة ومن شأنه أن ينزل أسعار الموديلات السابقة فإن استطعت الانتظار فانتظر.

كل شي فيه ماعليه كلام اما ابو راتب عادي ذا ما يقدر عليها موب عيب فيها لا والله بلعكس ولا تطلب كثيرة القطعه يلي تحطها انساها 

بس قطع غيارها اصليه تركب وتنسى وغاليه شوي مقارنه بلسيارات العادية 

وارجع اقول لك ترا شيخ المواتر ان كان بغيته خط حق خط وان بغيته كشخه ما بعده كشخه 

الالماني فخم و يطربك في الخطوط و الراحه والعزل والفخامه

لكن يبغاله ميزانيه

الشمعه الاماميه يسار سعرها بالوكاله 9095 ريال !! للبي أم الفئه السابعه 2007 !!

الا إذا بتسوي تأمين شامل على السياره , بقيمه وقدرها

يعني لو تقشع في جدار مزاج , يصلحوها لك على حسابهم 

و القطع الاستهلاكيه غاليه جدا

الا إذا تعرف احد بالامارات , يرسلك القطعه اللي تحتاجاه بنص السعر عندنا

والله يوفقك

مااقدر افيدك اكثر بس كل  الي بقوله 


أخي ما دام عندك الإمكانيه على شراء سياره بقيمة الــX5 والأودي Q7 ما أظن أنك بتفكر ف الصرفيهلأنه مثل هذي السيارات ما يمتلكها إلا الناس المتمكنين
ودام أنك تفكر من ناحية الصرفيه وقطع الغيار وغيره أتجه للياباتي وخذلك FX50S
المثل إللي دايما أقتنع فيه وأضربه للجميع عند مقارنه السيارات اليابانيه بالألمانيه:إذا تزوجت حرمتين وحده فقيره والثانيه بنت ملك فتأكد أنه الفقيره ستعيش معاك ولن تطلب أشياء كثيره (قطع غيار) وأما بنت الملك تريد منك ع كل شهر ذهب وغيرها من المستلزمات الغاليه)
فالمثال هنا يوضح أنه السيارات الألمانيه تعطيك شي مقابل شي (الراحه والمتعه ف القياده مقابل أنك تصرف عليها من قطع غيار وسيرفس غالي وغيره)

واسف على شطحه *)*

عند ولد اخوي موديل 2007 ومايشتكي منها ماشاء الله الا ف الصيانه شوي غاليه يعني خل جزء من الراتب لها وترا الصيانة فقط اذا طلبت السياره منك واذا رحت الصيانة ف الوكالة والسيارة مب طالبه صيانه ف الشاشة ما يستقبلونك وع كلام الموظف عادي يكون اول تشيك للسياره يوم توصل 30 الف كيلو .. حسب استخدامك انته .. وتراها أتي 5 ركاب إو 7 ركاب .. والسعر عدنا في الامارات ل 6 سلندر 245 الف درهم ول 8 سلندر 345 الف درهم ولاتستعيل لانه شكلها بيتغير

يا رجال اذا اللكزس القديم صيانتها غالية

فما بالك البي ام و موديل حديث بعد

اذكر احد الاخوة في الموقع يقول سعر المساعد الواحد لسيارة بي ام 9700 ريال بعد التخفيض

وش راح تسوي لا انفقع مساعد تقعد تشحد خصوصا اذا عليك ديون

الاخوان ذكروا متعة القياده والراحه فقط !!
واهملوا اهم حاجه تتميز فيها السيارات الالمانيه 
وهي الامان العالي بعد الله .. فرامل مدهشه. وسائد هوائيه ، ثبات اسطوري على الطرقات والمنعطفات .
قرآئة حالة الطريق ، والكثيييييييير جدا ... سيارات تعتبر حلم بالنسبه للكثير وانا منهم ..
ويجيك واحد مايدري وين الله حاطه يقول الالماني غالي وخرابات وما يستحمل !!!
ياحبيبي هالسيارات ذي ليست مخصصه للي مثلك .. هذي تعطيك اشياء خياليه فلابد انت تتحمل ضريبة
هذه الاشياء .. من صيانه وقطع غيار غالي ..لان السيارة ليست يارس او كامري او سوناتا
(توابيت الموت) بعض الناس يبغى الالماني بميزاته العجيبه رخيصا وما يطلب !!!!!!!
واذا لقاه غالي قال ترتفع حرارته وقطع غياره غاليه !!!!
-- اللي مايطول العنب يقول حامض --
اعذرني على الاسهاب اخي 
الله يرزقني وياك والجميع مايتمنون ..

bmw 2013
^
تدري اني حاط هالموضوع وماني مقتنع بالي ردو يعيبون بالسياره بس حطيته كذا بشوف وش يقولون .. طلعو كلهم مثل مالت انت -- اللي مايطول العنب يقول حامض --
كلهم حقين تويوتا يبغون سياره تكد وقطعها رخيصه .. انا اخر همي سياره تجيب لي سعر بعد البيع ولالا مايهمني ....
على قولتك الي مايعرف للصقر يشويه حدهم كامري شكلهم :)

الله يصلحك ياراعي الموضوع .. انت طلبت رائي والرجاجيل جاوبوا ..تقوم ترد عليهم ردك الي فوق^^^^^^!!!!!!!!!!

وبعدين انت ماخليت سيارة ماسألت عنها في مواضيعك 
سالت الرنج روفر إيفوق  وسالت عن الفورد 99 
.......
انا انصحك اذا تقدر على الفورد فهو انسب لك 

اخي الكريم انت قلت   سياره على قد فلوسي  مستعمل يحتاج ميزانيه ولا يقدر عليه اي واحد ؟؟

 وشباب ماقصروو عطوك علم  لكن على قولت مثل مد رجلك على قد لحافك  

 والحين تقول الي مايطول عنب حامضن عنه يقول صراحه امرك غريب واخر شي تقول وش رايك في الفورد 99

 انا اقول شوف لك يارس ولا تيرسل 99 تليق في مقامك  الكريم  

سكودر 15781
^

حبيبي ردك على عيني وراسي .. بس انت شايف الوضع هنا خصوصا في حراج الناس شريطيه والي ماهو على قد فلوسهم يعيبون فيها .. لكن الشعب يحب الشي السريع يفكر بالبيع قبل يشتري السياره لذلك ماتعجبهم السيارات هذي طلعوا فيها ألف عيب ..معقوله ولا رد إيجابي ؟؟
ثاني شي انا يوم سألت عن الماركيز 99 الحمد لله اشتراها صديقي مو انا مو كل من سأل عن سياره يعني له يمكن لي ولا لأخوي ولا لولد جارنا ...!!

بالنسبه للﻷخ االلي يقول سعر االمساعد 9700 
اقول له صباح االخير

سعر االمساعد االامامي عادي ب 800 ريال
سعر االمساعد االخلفي هيدروليك ب 1900 

وسعر االشمه ااﻷماميه وجديده ب 1250 ريال فقط وبالوكاله ب 7000
الآن االناس ياخذون من محلات برا لان االوكيل حرامي نمره وواستماره

http://www.forbesmiddleeast.com/read.php?story=1159

يا غالي معي 2008     ما شاء الله فخم جدا وراسي مع الخط ومريح  وصبور بنفس الوقت

 لكن داخل المدينه الالماني قاسي شوي يبيلك سياره ثانيه داخل المدينه

 لان مع شوارعنا والحفر والمطبات يبيله وزن كل 6 اشهر للأذرعه لأنه يفرش ولازم وزن

 

للاسف اغلب الي يردون او يفتون عن اي سيارة لو تقوله شغلها ما يعرف كيف تشتغل 
والكل يحط عيوب والكل يفتي من راسه ولا يعرف ولا جرب السياره الي يفتي فيها 
وهذا اكبر سبب الي يخلي الناس تصدق وللاسف المفروض السؤال يكون لصاحب الخبره فقط 
يعني لا تسال صاحب كورولا عن بي ام وتقوله وش رايك فيها 
ان حبيت تسال اسال الي يستخدم نفس السيارة بيفيدك اكثر 
واعتذر على كلام ان كان اسات فيه لاحد 

كفيت وفيت اخوي الخبر ٢