أضف سؤال أو موضوع جديد          

تخزين السيارات الجديدة في الوكالات

up 12 down 2
شبح 600 sel 6081
قبل 7 سنه و 11 شهر



السلام عليكم ورحمة الله وبركاتة .





مــســــــــاكـــــــــم / صـــــــبـــحـــكـــــم .. الله بالـــــــخـــــــيــــــــــر والمــــســــــــــــــــــرات ... 


 , اليوم جايب لكم موضوع بسيط عن تخزين السيارات الجديدة في الوكالات


 الي عندنا طبعا 



رامينها في ارضيات تراب وانتم كراما تصقعها الشمس والرطوبة والامطار والاملاح والتاجر مافكروفي المشتري . 


ولا فكر يصلح مستودع مغطى عشان السيارات مايجيها شي همهم الربح وبس معا ان عندهم ملايين .

طيب نشوف ميزة التخزين في الاراضي المكشوفه, .

وهي ميزة واحدة ..!

 أنه غير مكلف بالنسبة للوكيل ::

 من ناحية قيمة الهناقر وادوات الكهرباء وقيمة فواتيرالكهرباء .
يعني يبون يستغلون الريال بأي طـريـقـة !!

 الله الـــمــــســـتـــــعــــان .




(عيوب التخزين المكشوف ....)

1 - تحبيل الكفرات مع الوقفة في الشمس لذلك أغلب السيارات الجديدة تجد فيها رجة خفيفة وسببها الكفرات .


2 - الغبار يغطي السيارة كاملة يعني لازم غسيل بستم .


3 - اذا السيارة طولت في الوقوف ممكن يسبب صدا في بعض الحديد بسبب بخار الماء أو الرطوبة .


4 - بعض السيارات فيها حذفة بسبب السطحات يحملون السيارة بطريقة غلط مثل رفع السيارة على السطحة.


5 - ظهور قررربعة في الديكور الداخلي بسبب الشمس والحرارة .



يعني الله يكون في عون المستهلكين وأنا أولهم ..


انتهى.------------------------------------------------------------------



تحياتي اخوكم\ شبح
 أشوف تعليقكم الله يعطيكم العافية .....













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


انا معي كورولا وكاله يوم فكيت الجنوط لقيت في وسط الهوب حديده مصديه على جميع الكفرات واخوي لما شاف الحديده المصديه قال وش بوه الموتر مغروق ؟ قلت له ليه وشسالفه ؟ قال وش الصدأ ذا ؟ قلت له والله مدري من يوم وانا شاريها والمكان ذا الي بالوسط مصدي


up 1 down 0
..استغفر الله.. 266
قبل 7 سنه و 11 شهر



عز الله إنك صدقت يا شيخ المعارض و
شكراً على مروركم و إبداء الملاحظات لا هنتم , والله لا يحرمني منكم .   


up 1 down 1
شبح 600 sel 6081
قبل 7 سنه و 11 شهر



والله انك صادق ،

أنا استغرب من أصحاب التاهو السعودي يقولون ديكوره يقرقع على 10 الاف كيلو وهو توه جديد !!!!

وأنا معي تاهو أمريكي وكمل 65 الف ولا فيه أي قرقعه بالديكور ،

وطلع من سوء التخزين !


up 3 down 1
hmada1213 2018
قبل 7 سنه و 11 شهر



hmada1213 , شاكر لك مرورك , الله يسعدك يا الغالي . 


up 0 down 1
شبح 600 sel 6081
قبل 7 سنه و 11 شهر



ياخي والله مشكلة يعني سوء تخزين بعدين يجيك واحد يقول الشركة الفلانية كلها عيوب 


up 3 down 0
sosisos 615
قبل 7 سنه و 11 شهر



الف شكر لك والله شرية كورلا 2013 فيه ريحه مهي حقة الوكاله حول ادوراش سبب الريحة زي اطرنبيل حق الكفر ملقية وبعد فتره تفكك الديكور رحة كلمت الشركه قلو سوء استخدام حسبي الله ونعم الوكيل ومشكور اخوي على الموضوع


up 2 down 0
fahd.v 133
قبل 7 سنه و 11 شهر



والله الصور تفتح النفس لو يعطوني من كل نوع وحده يسلااااام


up 1 down 0
ملك الطاره عزام -141
قبل 7 سنه و 11 شهر



بالنسبة للتاجر ماهمه لأن التأمين يغطي الأضرار 
ولكن المشكلة فينا إحنا اذا استلمنا السيارة منه مانفكر نفحصها او اقل شي نوقفها على حفره عند اقرب بنشر ونشوفها من أسفل 
كل همنا ان السيارة وكالة 


up 0 down 0
for speed 752
قبل 7 سنه و 11 شهر



اوف لو يحصل لي كابرس 
بالحلال 


up 1 down 0
m-baz 337
قبل 7 سنه و 11 شهر



السلام عليكم


بإختصار .. لا تاخذ بدون فحص حتى لو وكاله

ترى بعضهم حتى الكفرات يفكوها ويركبوا نوع اأقل جوده

بالنسبه للتخزين فكل شيء له شروط .. يعني اإلي بالوكاله 

في منه لا يعتبر وكاله لأنو يستهلك من سوء التخزين .!


up 0 down 0
ibh.x976 761
قبل 7 سنه و 11 شهر



اخوي شبح اعذرني على المداخله هذي

لكن ما ادري انت سويت موضوع , اذا غرقت سيارتك وش تسوي 

وكان فيها خطوات لفك المكينه وتنضف الوجيهه وكذا , عباره عن 7 خطوات تقريبا


وقاعد ادور له وعيت احصله

فما ادري انت اللي كتبت هالموضوع ولا انا مشكك

لاني دورت له بالمنتدى عيت احصله


up 0 down 0
ابوخالد1397 2888
قبل 7 سنه و 11 شهر



السلام عليكم ورحمة الله

صدقت أخوي شبح وهذا فعلا" اللي حاصل ونصيحتي لأي شخص ياخذ موتر من الوكاله أول شي قبل لا ياخذ السياره

يطلب منهم تغيير الكفرات ( للمعلوميه : تراه من أبسط حقوقك لكنهم مايقولون لك علشان تاخذها بكفراتها .. المحبله

وأنا ذكرت أنواع أخرى من أساليب الخداع المعتمده من وكلاء السيارات عندنا ( حسبي الله عليهم ) في موضوعي

السابق ( وكالات السيارات وخط التحميه ) لمن أراد المعرفه بشكل أكبر .. شكرا" أخوي شبح ولك لايك

تحياتي


up 1 down 0
الوجيه 444 717
قبل 7 سنه و 11 شهر



بعض الوكالات تهتم شوي وتشحط الكفر بهواء لحد 50 عشان مايخرب مع الوقفه

وقد شريت فورد وكاله وكان فيه رجه ورحت ارصص وقلي ماتقدر ترصص لان الوقفه عدمت الكفر وصار فيه جهه من الدعسسه مستقيمه وليست مستديره بسبب الوقفه على هذي الدعسه
وغيرت كفرات جديده 
بعد زمن جيت ببيع وطلعت السياره مرشوشه كامل ورحت للوكاله وقالوا غير مروشوشه وجاني احد الموظفين قلي ترى موترك جاي مجموعه من قطر الوكاله جابتها من قطر وصلحتها ورشتها وباعتها
وتبي تتاكد روح اسئل اي موظف عن رقم الشاص وشوف يطلع وارد ايش
او خش هذا الموقع ودخل رقم الشاص وراح يطلع لك استكر مثل اللي يجي على القزاز وفيه معلومات السيارات
وراح تلاحظ مكتوب قطر !!!




up 0 down 0



ابوخالد ... الموضوع اللي تدورر عليه موجود بالرابط ...
http://montada.haraj.com.sa/28758/كيف-تتعامل-مع-سيارتك-في-حالة-الغرق-أو-إذا-دخل-ماء-للمكينة/


up 0 down 1
ارحمنا برحمتك 320
قبل 7 سنه و 11 شهر



السلام عليكم واسعد الله مسائكم بكل خير واحب اضيف معلومه ياخوان بخصوص الوكالات انا شريت حمس 2006 دينالي من الوكاله جديد وبعد اسبوع ضرب علي الكفر الخلفي وانا في سرعة تمرين للسياره يعني ماتجاوزت التسعين كيلو وعند مراجعة الوكاله اكتشفت انهم فاكين الكفرات ومستبدلينها بكفرات اقل جوده وتاريخ انتاجها منتهي الصلاحيه والمصيبه لم يعوضوني بكفرات اظطريت اشتري كفرات من خارج الوكاله وحسبي الله عليهم لكن الكلام المفيد السيارات في الوكالات عليها السلام والافضل لك شراء السياره من امريكا وهي افضل حال من الجديده في وكالاتنا ودمتم


up 0 down 0
kassalmlook
قبل 7 سنه و 10 شهر



عمي ماخذ بليزر وكاله عام 2008  من العيسى 
وراح يبي يبيعه العام طلع مرشوش كامل 


up 0 down 0
الرياض ابو عبدالله 11
قبل 7 سنه و 10 شهر