أضف سؤال أو موضوع جديد          

X لو طلعت وشفت سيارتك مصدومه واللي صدمك شرد وش بتسوي ؟ X

up 10 down 1
ابو يزيد 000 8688
قبل 3 سنه و 9 شهر



السلام عليكم ورحمة الله وبركاته

كيفكم عساكم طيبين

اليوم موضوعنا عن ( لو طلعت وشفت سيارتك مصدومه واللي صدمك شرد وش بتسوي ؟ )

هدفه للتفاعل وتغير جو المنتدى اللي قلب سوالف حريم و ...... مع احترامي الشديد للجميع

طبعا سبب كتابتي لهالموضوع هو : اليوم وانا ماشي من جنب عماره لقيت جمس مصدوم و صادم معه فورد في مواقف عماره عند مدرسة اخوي !!

وصراحه قمة القهر اذا انصدمت سيارتك ولا تعرف اللي صدمك , وثاني شيء انت باللي يتدفع قيمة الاصلاح :( , وثالث شيء وهو موضوعنا اليوم كيف بتكون ردة فعلك وقتها !!

كل واحد له ردة فعل

بالنسبه لي انا : راح ادعي عليه ليل نهار , وإن شاء الله , الله بياخذ حقي بالدنيا او الاخره , والله ما يضيع حق احد ابدا ابدا

وطبعا راح انغبن وقتها ( طبيعي ) واتمنى انه يطيح في يدي عشان اشفي غليلي فيه و ابرد خاطري فيه

طيب انتم وش ردة فعلكم ووش بتسوا ؟؟

اترك لكم التعليق

وهذي صورة بعض السيارات جمعتها لكم , مصدومه وهي واقفه مع الاسف

تقبلوا تحياتي / اخوكم ابو يزيد





















إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


شباب انا انصح اللي ساكنين بأحياء تفحيط او مقاومات او سرقات ركب شبكه كاميرات ممكن تكلفك 1000 وعليها لكن افضل من انك تخسر سيارتك خصوصا اللي سياراتهم فوق شوي يعني اودي بي ام مرسيدس
افضل وانت منسدح شغل اللاب وتفرج .


up 0 down 1
m11013 924
قبل 3 سنه و 9 شهر



صارت معي واتمنيت اني اشوفه وفي الاخر استعوضت ربنا


up 0 down 0
لا يوجد اسم 64
قبل 3 سنه و 9 شهر