ما هو سبب عدم انتشار السيارات الاوروبيه

مافي اسباب واضح ،، بس راي من الاسباب القدرة المالية ،،عند البعض ممن يعيشوا معنا فلا غريب بالموضوع الله يرزق ويوزع بما يشاء سبحانه
واستخدامها معنا وبيننا بالشوارع ونصدمهم ويصدمونا ههههههه والضحايا دايم الي يشتريها مستعمله لقلت ثمنها
ويبلش في صيانتها
بالسبب الي اشوفه قدامي هو : عدم الوعي ومعرفة التعامل معه واخذ الاعتبار في الاستخدام الجاااااائر
بصراحه من اغلب الي نشوفهم معنا بالشوارع ، لكل السيارات تكسير وتدمير بجد .. مدري 
عدم  عمل الصيانة لغلاء القطع وهذا معروف والمصيبة معروف الاتفاع في اسعار بعض القطع الا ان المنافسة بين البشر تجبر الكثير للشراء

الدرايه للكل او النص او يعني اي شي يرحم امك تعرفه عنها له فايدة ، وتقدر تسويه بيدك 
يساعدك ويسهل لك كيف تتعامل مع اغلب السيارت براحة ، وشوف قد كم تقدر تكون بعلم بالي تستخدمها اووو عشان لو تفكر تدفع من مالك للشركات 
انت لازم تشتري صح حسب احتياجك انت فقط بمراعاة الي حولك من المستخدمين ع الطبيعة افضل ،

النت لا لا تعتمد عليه كثير وبشكل صح لامور موترك ، لا استخدامك هو الجواب 
الا ع بعض الاعطال وكيف ع الاقل التعرف عليها بس التنفيذ للاسف يختلف بالورش

..السيارة مثل غيرة اشياء مركبة من اجزاء وتتكون لنا معشوقتنا هههههه من هنا يبداء التعصب

هذي التفاصيل ... لل الآله المصنعة من قبل الدول المصنعة للسيارات مملوكة و متمثله في اسماء شركات تجارية وكل صناعة تحاول ان توجد لها حصة في البيع
والي يخدم ويوفر للاكثرية في كل بلد هي الي تكون لها حصة في اغراء اكبر عدد من المستهلكين وبالمناسبة انت وانا ووووو
منهم ، وبالتالي تكون بيد اكبر شريحة من الشعب ،،،

تزيد وتنقص الانواع عندنا باختلاف المنااااااااطق بالسعودية...
تختلف كثرة السيارة الي تخدمهم وتعيش مع طبيعة المكان 
شكرا للجميع

في الثمانينيات كانت كثير من السيارات الأوروبية لا تتناسب مع أجوائنا الحارة ومع ارتفاع أسعار القطع وسوء التعامل من الوكالات اتجه الكثيرين للسيارات الأمريكية واتجه ذوي الدخل المحدود للسيارات اليابانية في الوقت الذي لم يكن للكوري ذكر أبداً


السيارات الأوروبية تهتم كثيراً في جوانب السلامة وهذا يرفع جودة وسعر السيارة وللأسف كثير من الناس لا يهتم بهذا الجانب وكل تفكيره كيف يشتري سيارة بسعر رخيص وتكون عملية وصيانتها سهلة ورخيصة وعند البيع ما تخسر من قيمتها واجد

ولا ننسى أن شراء السيارة الأوروبية سيضعك بين خيارين أحلاهما مرّ الأول أن تكون الصيانة في الوكالة بأسعار خيالية أو البحث عن الورش والدخول في مشاكل التوقعات والتجارب والتي تعتبر مكلفة مع غلاء القطع

شخصياً كنت اتمنى أن أشتري فولكس فاجن أو أودي ولكنني أبحث عن سيارة عملية حتى ما أضيع وقتي في الورش والصيانة

لاتحصرها بالاوربي..
قبل امس شاري شمعه للكزس 430 موديل 2001بدون شي شمعه لحالها بــ1400 ريال من التشليح تخيلوا حجم النصب لااا والشمعه متخدشة ماتسوى 150 انهبلت ماصدقت .تبين لي ان الوكيل يبيعها باكثر من ال5 الاف فعطاهم مساحة يرفعون السعر وكلهم يقولون ماتبي لاتشري هههههههههه..
ولو الوكيل يقول الشمعه ب 10 الاف فالمقابل التشليح راح يقولون ب 3500 واكثر ...

اما بالنسبة للبي ام فهي منتشرة وبكثرة الاودي المظلومة

الشركات الأوروبية الشعبية لابد ان يكون لسياراتها انتشار ولو بشكل بسيط 

لكن للأسف انتشارها نادر جداً جداً 

اوبل انقطعت عن دول الخليج والآن عادت في الامارات والبحرين فقط 

الشركات التي تستحق ان يكون لها انتشار هي :

فولكس واجن + اوبل + فولفو + سيتروين + سكودا 

كلام منطقي ... يا اخي حرمونا من ركبة افضل سيارات في العالم ... جشعهم لا حدود له ... وليس فقط اياباني .... الدور جاي على الياباني والأمريكي والكوري بعد ... انت اصبر وشف كيف الأسعار ...يا اخي وكالات جشعة ... حتى مراكز الصيانة جشعة

الله يكون بعوننا والله كلها على كتافنا

عندنا الوكالات اخذوا سمعة السيارات الأوربية لازم تكون غالية بكل شي وهذا شي خاطئ

مثلا الفولكس فاجن تعتبر سيارة شعبية بدول زي الصين البرازيل الجزائر وأوروبا عندنا الوكيل جايبها بسعر غالي على أساس السمعة بالسوق وبالتالي قطع غالية وصيانة غالية

والمرسيدس والبي ام اخذوا فقط الفئة الراقية من العملاء والي راح دول اوروبية بيلاقي مليان مرسيدس قير عادي ومخمل!!!  و سيارات مرسيدس وبي ام عائلية والي هي الستيش واجن او البوكس ومواصفات بالحضيض
لكن الوكيل عندنا ماجاب المواصفات الضعفية هذي ولا حتى الفئات التعبانة الصغيرة

واخر نقطة وهي مهمة جدا.طبيعة الدولة عندنا المساحات كبيرة يعني نظام أمريكي خطوط وسفر ومسافات تحتاج سيارات كبيرة ومريحة اما اغلب السيارات الأوربية صغيرة لازقة أوروبا لان الشوارع الرئسية في مدينة زي باريس مسارين رايح واثنين جي بحد أقصى وهذي ما تنفع لها سيارات زي الكابريس والجمس تحتاج سيارات بالنظام الاوروبي
حتى لو تلاحظ شركات مثل رينو وبيجو وسترين ماهي متواجدة بالسوق الأمريكي نهائيا لأنهم عارفين ان سياراتهم بتفشل زي الحاصل عندنا

^^^ صحيح
طبيعة الدولة الجغرافية لها دور رئيسي

albroker99 اشكرك ...

كلام سليم جداً +1

السيارات الاوربية يا كثرها لكن ماتطلع الا اخر الليل
والسبب : المبزره المتهورين والعمالة من كثرهم صار الواحد يخشى على سيارته يجيها شيء

سلام عليكم (( شكر خاص لصاحب الموضوع الشيق )) . اخونا ال د. عبدالله .
لما نجي لموضوع مشتت مثل هذا تكثر فيه الاراء و ماشالله الشباب ما قصرو كل واحد ادلا با دلوه و اعطانا معلومات هامه . 
لاكن عشان نوصل للمعلومه الصحيحه في هذا الموضوع . خلينا نتجه للاحصائيات . 
فا لو نلاحض في بعض الدول الفقيره مثل الاردن و سوريا تنتشر فيها هذي السيارات الاؤربيه برغم من ان شعبها فقير . 
انا رحت الاردن و و كثير سآلت عن هذي السيارات و عن قطع غيارها خاصه البب ام و المرسيدس لقيتها ارخص من التيوتا و الهوندا و الهونداي 
بامراحل تقريبا ٥ اضعاف السعر . 
يقلك عندهم السيارات هذي رخيصه لان عندهم وزارة تجاره صاحيه . و في حمايت مستهلك الوكيل ما يقدر يرفع السعر . و لان الدوله تضغط عليه . 
و السبب خوف الدوله على سلامة المواطنين . 
فا في مؤسسة المواصلات العالميه تدخل السيارات لبعض الدول اول با نسبة السفتي او السلامه في السياره .
تجد التنافس العالمي يروح لصالح السيارات الاؤربيه اول و بعده المريكيه ولا تجد مكان لسيارات اليابانيه و الكوريه . 
للاسف عندنا في السعوديه الترويج و التلاعب في الاسعار في ايدي الوكيل ولا تجد من يردعها من وزارة التجاره  و حماية المستهلك .
و ناهيك عن عدم الوعي . 
برا الواحد عشان يشتري السياره تلاقيه يبحث عن السلامه و الجوده . 
في السعوديه يبحث عن السمعه و المواصفات و الشكل و ينسا المضمون . 
تلميح اخير راح تتفاجآ منه .
كل السيارات اليابانيه و الكوريه تروج في العالم على انها سيارات دول ناميه يعني سيارات (( خدمه )) فقط . 
يعني لمزين او ايجار او لخدمة الشركاة يعني الشعب ما ياخذها . لان الدوله ما تخاف من الحوادث تخاف من الوفيات .