لاهل الخبره مشكلة ارتفاع حرارة السياره730li2005bmw

نقص الماء وارتفاع الحرارة اول سبب وسهل هو من غطاء الرادياتير **
 غير غطاء الرادياتير بواحد جديد واصلي وتنتهي المشكلة ان شاء الله **

اخوي طرمبة الموية عندك كهرب ماهي ميكانيكية زي ٧٤٥ لذلك احتمال كبير تكون تهرب موية وماتوصل موية كويس فيها ضعف الحرارة لازم ماتتعدى ١٠٥ وعشان تطلعها من الشاشة اضغط الزر الاسود اللي عند الطبلون هلك ضاغط عليه بيجيك قائمة استمر بالضفط يجيك ارقام زي البنود انزل لرقم ١٩ طبعا بالضغط المتقطع ع نفس الزر الاسود مكتوب unlocking اضغط عليها وناظر استمارتك رقم الشاص تحديدا خذ اول ٥ ارقام من اليمين اجمعهم مثلا كانو اول ٥ ارقام ٧٥٤٣٥ تجمعهم يطلع ٢٤ ترجع للشاشة اضغط تصير الارقام جهة ضغط الماكينة كل ضغطة تعد رقم لين ماتصير المجموع بعدين اضغط ضغطة طويلة تختفي الشاشة اليمين ترجع للاساسية روح للقايمة ٧ sensors افتحها يطلعلك حرارة الماكينة ١٠٠ او ١٠٢ وراقبها وانت تسوق عدت ١٠٧ وقف فورا لان السيارة مافيها امبير وسؤال موية الرديتر فيها زيت ؟ او لا

الله.يعطيكم.العافيه.لكن يا أخ.ما طلع لي عداد الحراره 

ما فيه زيت في اللديتر

يا طيب طلعت في السياره وارتفعت الحراره ووقفت ع طول فتحت الكبوت الا وغطاء الرديتر مفجور 

تأكد من عمل المراوح

تأكد من الغطاء 

وتأكد من الخراطيش يمكن مع الحراره تعض

وتاكد من البلف يمكن مسدود

والمراوح تأكد انها شغاله تمام

وطرمبة الماء

وبعدين أساساً الماء العادي هو اللي يخرب نظام التبريد بالسياره ويجيب لك الحراره

اخوي وضح مشكلتك مع المشي ترتفع ولا وانت واقف اذا من المشي سوي  تسييخ وغير البلف

اول شي بقولك اكبر غلط انك تعبي مويه عاديه للرديتر لان كذا تخرب الرديتر نفسه وتتسبب في مشكله اكبر   
 وهي اكسدة الرديتر ومسالكه عب مويه خضراء او حمراء ..

ثاني شي دايما ابدأ بالاسهل والاقل تكلفه اذا هو ارتفاع بسيط ممكن مثل ما قالو الاخوان غطا الرديتر 
وتاخذه اصلي وعليه ضمان لو حصل وان شاء الله ما تحتاج لشي ثاني ..

ولا تنسى تشيك على المراوح شغاله ولا لا ..

وشيك على الرديتر تنقص مويته بعد فتره بسيطه اذا عبيته ولا لا يعني فيه تهريب ولا..

الألماني يحتاج تنسيم من لي الخرطوش الزايد تنسم الهواء الي فيه 

اشكر الجميع على المشاركه والتفاعل لكن غيرت رديتر وغطاء وبلف وطرمبه 
 والمراوح شغاله لكن ومازالت الحراره ترتفع مع المشي بعد نص ساعه مشي ترتفع الحراره
فتحت الكبوت الا ونفس المشكله الرديتر مضغوط هواء 
وش اللي باقي ماغيرته

لا تخاف الماكينة باذن الله مافيها شي هل تنقص الموية بعد هذي التغييرات 

لالا ماتنقص المويه كل يوم اشيك الديتر في الصباح والسياره بارده اتفاجا لمن افتح غطاء الديار يطلع هواء والسياره بارده وفي الصباح
 بجد احترت ولي يومين ما ارتفعت الحراره بس أخاف أمشي ع خط وترتفع

شوف الفحمات او الكتاوت حق المراوح قريت مرة انها من اكبر الأسباب للحرارة تكون ماتشتغل