نصيحة منكم بشراى بي ام 730 2006 هل فيها مشاكل واسعار القطع غالية

اسعارها ارخص من الاكسنت 

اللي يبغى الدح ما يقول اح ........ 

والله اخوي كلها مشاكل وقطع غاليه وعدم وجود ورش خبره واسعارها طايحه  فما انصحك بها

انا خويي خذاها تصدق مساعد خلفي خرب هيدروليك من شوارعنا الحلوه تدري بكم غيره ؟؟ ب٢٠٠٠ ريال. 

انا خويي خذاها تصدق مساعد خلفي خرب هيدروليك من شوارعنا الحلوه تدري بكم غيره ؟؟ ب٢٠٠٠ ريال. 

إذا دخلك محدود لا تشتريها.

إذا دخلك راهي شوي و انت هاو السياره، إشترها.

اذا انت تستخدمها استخدام بسيط وعندك سياره اخري لمشاوير البلد .
خذها بشرط تكون يا 740 او 750 وابتعد عن ال730 .
واهم شئ النظافه و تكون مصينه بشكل دوري .

ابعد عن ٧٣٠ عزم زفت وخرابات انا معاي ٨ سلندر مابعده موتر بشرط الاهتمام 

اذا  براسك ورش وكهربائيه خذها
اذا عندك ظغط  والنفسيه خربانه والماده وسط
لاتقربها شوف لك موتر  كامري اخو الجديد
 وعش حياتك في امن وسلام. 

ليه الدس لايك  ، انا قلت كلام يزعل ؟

اللي اعرفه ان 730 مرغوبه اكثر

السياره تستحق الاقتناء بس خذ ببالك انها ماتنفع للاستخدام اليومي

والله مع شوارعنا الحلوة حط براسك ان راتبك ماراح يبقى منه شي

مانصحك فالالماني المستعمل
احنا سيارات عادية مستعملة وتطلع عيوننا
فمابالك بالبي ام
(( مادري اذا المرسدس يفرق عن البي ام لكن اعرف واحد صلح مساعد المرسدس حقه ب حول 30 الف ))
السبب ان المساعد فيه كمبيوتر ..

السيارات الفخمة الالمانية الي عندة فلوس ياخذها جديدة اما مستخدم ما انصحك فيها لعدة اسباب
السياة بحكم موديلها راح تطلب منك صيانة وقطع استهلاكية

قط غيارها غالية جدا بحكم سعر السيارة
مو اي مهندس يصلح لك السيارة

السيارة معقدة جدا واغلب صينتها بتجبرك تروح الوكالة
وشكراً

عزم ال ٧٣٠ ممتاز جددا عن تجربة ... 

اوالله جننتوني واحد يقول متنفع واحد يقول ابعد عن 730 والثاني يقول ويمدح 730 والله حيرتوني 
بس انا ابي ناس استخدمة السيارة ويقول عن وقع تجربة وسيارة ليست للستخدام اليومي يعني 
سفرة او تمشيه مع الأهل يعني استخدام قليل والسيارة انا اعرف صاحبها سيارة نظيفة اكثر الأيام في البايكة
متخرج تكفون ابي ناس استخدمة السيارة

اخوي السيارة كانت مع الوالد قبل كم سنه والصلاه عالنبي فخامه وراحه مايحتاج.. والعزم قوي ماشالله وماشفنا منها خرابات، كانت موديل ٢٠٠٦ والكلام هذا تقريبا ٢٠٠٩ بس ماطولت كثير وباعها ماعرف عن مشاكلها بس في الراحه والسفر من افضل السيارات، الوالد ماقد تجاوز ال ١٢٠ ولكن كنا نسافر فيها يمشي ١٦٠ او ١٧٠ ولا كأنه ماشي ماشالله

بالتسبة الي جربت ال 730 موديل 2007 وعزمه جدا رائع  ! انتا فكر فيها معقول شركة بي ام صممت سيارة 730 وعزم جدا ضعيف ؟؟ لكن الي متعود على السيارات  القوية جدا اكيد بدو يشوف 730 ضعيفة !!! مع احترامي للجميع

الله يعطيكم العافية ماقصرتم جميع 

الاخوان اللي يقولون عزمها تعبان كلامهم صح لانهم متعوين على 740 او 750 فالفرق كبير جدا 
من واقع تجربه في المرسيدس كنت استخدم اس 350 وماكنت اشتكي من شي بس بعد استخدام الاس 500 حسيت بفرق كبير جدا جدا ولاافكر اعود للاس 350 فهذا الموضوع يفرق مع من استخدم 740 او اكثر لكن اول مره ماراح تشعر بالفرق حتى تجرب الثمان سلندر وفقك الله