ناوي على بي ام 2006 الرجاء من له الخبره فيها الدخول

السلام عليكم ورحمة الله وبركاته
حيا الله الجميع
انا معاي هايلكس 2014 والصراحة اني مليت منها ومن القير العايدي
عموما ببيعها وبشوف سياره فخمه قطعها كويسه مريحه
بعد البحث رسيت على bmw موديلات 2006 إلى 2008 740 أو 750
سألت الناس واختلفت الآراء
ابغا اعرف لو شريتها وشي الصيانه الدوريه الي تسويها وكيف احافظ على السياره
وكم أسعار قطع الغيار
سعر السياره أن شاء الله بين 40 وال50
وحياكم.

إبلاغ

الردود

بالذات اللالماني افحصه ولايغرك المنظر

اخوي صديقي اشترا 740 ب 37 الظاهر
مديله ناسي بس شكل 2006 الى 8

استخدمه 5 شهور كره الدنيا بسبب منظره فقط
اخر شي جننه الكهرباء والجير وقطعة الجير باعه ب 25

عليك بالفحص

tttt35035 1061
قبل 8 سنه و 5 شهر

البي ام . سياره ما عليها كلام .. لكن المشكله بالقطع .. المرسيدس افضل منها من ناحية توفر القطع في الوكيل وفيه ماركة بوش وفيه الماليزي ... وانت ونظرك

مستريح البال 1 1780
قبل 8 سنه و 5 شهر

مشكلة السيارت الا وربية عامة والالماني خاصة اول ما السيارة تتعدي 100 الف كيلو تظهر لك خربات من حيث لا تحتسب وقطعه غيارة غالية ولاتجد ورش يفهمون لها لكن الالماني ركوبة غير اي سيارة لو تركب سيارة الماني ماعد تركب اي نوع سيارات اخر

حماده عزو 440
قبل 8 سنه و 5 شهر

يالله شطحت بقوة انت من هايلوكس الى بي ام مره وحده

تبي سياره عملية اكثر منها و صيانتها اسهل و حتى لو تبي تبيع بيعتها سهله

خذ لكزس 430 تحصل بفلوسك 50 الف تجيب لك 2005 نظيف برأيي راحه نفسيه اكثر من البي ام

التركي 1403 17
قبل 8 سنه و 5 شهر

الافالون بتناسبك اكثر شوف احدث موديل بفلوسك

legaacy -315
قبل 8 سنه و 5 شهر

انا مجرب البي ام
سياره لايعلى عليها وتكره جميع سياره بعدها
لكن تدفع ضريبه
ممكن تطفي بشارع فجأه بدون سبب
قطع الغيار مقارنه بالسيارات الثانيه عاده متوسطه مقارنه بجودتها
المشكله ماهي بالقطع المشكله من يفهم بها
كل المراكزاللي تشوفها فخمه للبي ام والله مايفهمون لو بتغير فيوز قالك 500

pt 2011 1389
قبل 8 سنه و 5 شهر