أضف سؤال أو موضوع جديد          

تجربتي في تغيير كويلات bmw 745 بنفسي

up 24 down 32
benz lover -29
قبل 3 سنه و 8 شهر



السلام عليكم ورحمة الله وبركاته كيفكم طيبين باختصار شديد موتري بي ام حوت ٧٤٥ ٨ سلندر كان الموتر يتفتف وعزمه ضعيف خصوصا مع التشغيل بالبرد فحصته كومبيوتر اعطاني misfire ( ٢ سلندر ماتوصلهم الشرارة ويشتغلون بعض الاحيان وفيهم ضعف رقم ٦ ورقم ٨ ) واللي كشفهم لي في سوناتا مزعجني بالخط ابيه يبعد موديله ٢٠١٥ ماكينة ٢٤٠٠ ماقدرت اطلع عنه الا بصعوبه عرفت الموتر فيه بلا الموتر ماشاء الله تبارك الله وهو صاحي طيارة المهم مريت كم ورشة يبون ٣٠٠ تغيير كويلات ويقولون تعال بعد ساعتين خلها وروح قلت والله ماتشمونها 

قلت مالك يابو محمد غير تغيرها بنفسك وقلت بسم الله وجبت سكروب سداسي وفكيت غطاء بلاستيك فوق الماكينة يجي ٤ صوامل يبان معاك كلشي الكويلات بالجنب في غطا بلاستك مكتوب عليه BMW كبس ينفك ولكن بهدوء عشان ماينكسر الكلبس وتطلع الكويلات بوجهك ترتيبها كالتالي :

وانت واقف قدام الماكينه جهة الراكب يبدأ الترقيم ١ ٢ ٣ ٤ من تحت الى فوق 

الجهة حقت السواق يبدا الترقيم من تحت ٥ ٦ ٧ ٨ 

طبعا فكيت ٦ له قفل بلاستيك تفتحه بسهولة وتفصل الفيش منه وتشد الكويل بقوة شوي ويطلع معاك لبرا مكانه سهل اما الكويل رقم ٨ تعبني بسبب ضيق المكان بالطقاق انفك معاي وتركيبه لازم تكبسه بقوة لداخل والا الموتر بتفتف وكأن الكويل خربان لازم يركب مكانه ١٠٠٪‏ 

وتطلع البواجي بوجهك ومفتاحها حبة ١٨ وتطلع معاك لو رغبت بتغييرها اهم شي بتركيب البواجي انتبه للسنة راكبه صح او لا اي غلطة راحت عليك الماكينة 


سعر الكويل ١٢٠ ريال بوش الماني والاصلي ٢٣٠ والبواجي بوش الحبة ٢٠ والاصلي ٦٠ الحبة !

غيرت الكويلات فقط حبتين ٢٤٠ وشغل اليد بمخباي وفرته ع نفسي الدعوة كلها ١٠ دقايق انتبهو من نصب الورش

 اي استفسار انا حاضر ياشباب 













إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


تحية لك يابطل الاعتماد على النفس مطلب 


up 3 down 0
fanar1 645
قبل 3 سنه و 8 شهر



تغيرتها سهله واضحه قدامك لكن  انا سيارتي اريون وتغيرتها صعبه هي وماكسيما  الجديد لن البواجي الثلاث وكويلات خلف الثلاجه  


up 5 down 2
سكودر 14933
قبل 3 سنه و 8 شهر



معروفة مكاين تويوتا ٦ سلندر معقدة وعندك فانات شيفروليه جدا صعبة عشان توصل للبواجي والكويلات 


up 5 down 5
benz lover -29
قبل 3 سنه و 8 شهر



اللحين يجي كم واحد يقول المحل مستاجر بمبلغ وقدره وانت تبي تقطع الرزق  و و و و و و ومن كلام الكسالى 

انا احب اشتغل السياره بنفسي 

الاسبوع هذا فكيت بوابة وثلاجة كورولا 2009 عند البيت ونظفتها والتكلفه كانت 45 ريال قيمة المنظفات فقط 

بينما الورش مايفكونها الا في حدود 250 الى 400 ريال 

احلى لايك ^_^ 


up 9 down 1
abdulaziz al-malki 982
قبل 3 سنه و 8 شهر



سكودير 

مكينة الكادينزا نفس الشي فكيت الثلاجه وغيرت البواجي بنفسي 

اهم شي تشتغلها وانت مروق ^_^ 


up 2 down 0
abdulaziz al-malki 982
قبل 3 سنه و 8 شهر



صادق ياعزوز الموضوع اصبح استغلال ماهو شي يرضي الله ابد واللي يقول تقطع رزقهم لا يجي يتشكى لعبو علي ونصبو علي زي ذا اللي يرمي سيارته ببنسر يغيرون له الزيت ولا يدري وش يحطون له ولو زيت عافية ماعنده مشكلة هههههه هذا الجهل بعينه


up 5 down 7
benz lover -29
قبل 3 سنه و 8 شهر



عبدالعزيز المالكي اكيد سهله اذا وجدت العده لكن  لزم يكون معك مفاتيح كامله  ولا لايمكنك فتح وعمل عليها زي الصور فيه مفتاح مشرشر هذا مفك امريكي وصعب الواحد يحصله زي مسامر ال بي ام ولها مقاسات  اذا وجدت العده كل شي بيصير سهل انا معغير بواجي سياره اخوي اكسنت مفاتح 10 ومفتاح بواجي صاموله طويل وتماتيك وغيرتها في 3 دقايق 


up 1 down 0
سكودر 14933
قبل 3 سنه و 8 شهر



ماشاء الله تبارك الله 
كويس ان الواحد يعتمد علی نفسه بتغيير و اصلاح و صيانة الاشياء 
و اهم شي تكسب خبرة و توفر فلوسك لعيالك او شي تشتريه لنفسك 
+1


up 3 down 0
khalidoo 1168
قبل 3 سنه و 8 شهر



مجهود تشكر عليه عزيزي والله يعطيك الف عافية 
تجربه موفقه لا خلا ولا عدم


up 2 down 1
الكحلي 36
قبل 3 سنه و 8 شهر



كل شي نقدر نسويه بس مكشلتنا العجز والخوف


up 0 down 0
ابو ليالينا
قبل سنه و 2 شهر