تجربتي في تغيير كويلات bmw 745 بنفسي
24
32
إضغط هنا للإخفاء
السلام عليكم ورحمة الله وبركاته كيفكم طيبين باختصار شديد موتري بي ام حوت ٧٤٥ ٨ سلندر كان الموتر يتفتف وعزمه ضعيف خصوصا مع التشغيل بالبرد فحصته كومبيوتر اعطاني misfire ( ٢ سلندر ماتوصلهم الشرارة ويشتغلون بعض الاحيان وفيهم ضعف رقم ٦ ورقم ٨ ) واللي كشفهم لي في سوناتا مزعجني بالخط ابيه يبعد موديله ٢٠١٥ ماكينة ٢٤٠٠ ماقدرت اطلع عنه الا بصعوبه عرفت الموتر فيه بلا الموتر ماشاء الله تبارك الله وهو صاحي طيارة المهم مريت كم ورشة يبون ٣٠٠ تغيير كويلات ويقولون تعال بعد ساعتين خلها وروح قلت والله ماتشمونها
قلت مالك يابو محمد غير تغيرها بنفسك وقلت بسم الله وجبت سكروب سداسي وفكيت غطاء بلاستيك فوق الماكينة يجي ٤ صوامل يبان معاك كلشي الكويلات بالجنب في غطا بلاستك مكتوب عليه BMW كبس ينفك ولكن بهدوء عشان ماينكسر الكلبس وتطلع الكويلات بوجهك ترتيبها كالتالي :
وانت واقف قدام الماكينه جهة الراكب يبدأ الترقيم ١ ٢ ٣ ٤ من تحت الى فوق
الجهة حقت السواق يبدا الترقيم من تحت ٥ ٦ ٧ ٨
طبعا فكيت ٦ له قفل بلاستيك تفتحه بسهولة وتفصل الفيش منه وتشد الكويل بقوة شوي ويطلع معاك لبرا مكانه سهل اما الكويل رقم ٨ تعبني بسبب ضيق المكان بالطقاق انفك معاي وتركيبه لازم تكبسه بقوة لداخل والا الموتر بتفتف وكأن الكويل خربان لازم يركب مكانه ١٠٠٪
وتطلع البواجي بوجهك ومفتاحها حبة ١٨ وتطلع معاك لو رغبت بتغييرها اهم شي بتركيب البواجي انتبه للسنة راكبه صح او لا اي غلطة راحت عليك الماكينة
سعر الكويل ١٢٠ ريال بوش الماني والاصلي ٢٣٠ والبواجي بوش الحبة ٢٠ والاصلي ٦٠ الحبة !
غيرت الكويلات فقط حبتين ٢٤٠ وشغل اليد بمخباي وفرته ع نفسي الدعوة كلها ١٠ دقايق انتبهو من نصب الورش
اي استفسار انا حاضر ياشباب
إبلاغ
الردود
5
2
5
5
انا احب اشتغل السياره بنفسي
الاسبوع هذا فكيت بوابة وثلاجة كورولا 2009 عند البيت ونظفتها والتكلفه كانت 45 ريال قيمة المنظفات فقط
بينما الورش مايفكونها الا في حدود 250 الى 400 ريال
احلى لايك ^_^
9
1
مكينة الكادينزا نفس الشي فكيت الثلاجه وغيرت البواجي بنفسي
اهم شي تشتغلها وانت مروق ^_^
2
0
5
7
1
0
كويس ان الواحد يعتمد علی نفسه بتغيير و اصلاح و صيانة الاشياء
و اهم شي تكسب خبرة و توفر فلوسك لعيالك او شي تشتريه لنفسك
+1
3
0
تجربه موفقه لا خلا ولا عدم
2
1
0
0
قبل 8 سنه و 9 شهر