أضف سؤال أو موضوع جديد          

قصتي مع بيع سيارتي bmw 740

up 14 down 2
abofarah 906
قبل سنه و 11 شهر



السلام عليكم 

عرضت سيارتي للبيع ونوعها بي ام ٢٠٠٧ وكان ماشي ٦٠ الف بس المهم جاني زبون جاد من الرياض الي الدمام واتفقنا على السعر وقالي ودي افحص عشان اتطمن وقلتله هذا حقك ورحنا محل اسمه سهم او السهم المحل هذا مشهور انه يفحص زين بالدمام وانا يعلم الله ماعرف المحل ولاشي المهم دخلنا السياره ويوم خلصوا الفحص قال الميكانيكي ان المكينه تبخر وشكل السياره ماشيه فوق ٣٠٠ الف كيلو والظاهر ملعوب فيها وانها على وشك تخبيط طبعا الرجال اللي معي خاف وحتى انا قلت يارجال كلامك ماحنا ملزومين فيه والسياره ماشافت غير الوكاله وهذا مشي حقيقي قدامك العداد ٦١ الف كيلو قال مدري 
وقتها جت على بالي فكره وكان وقتها الزبون خلاص بيمشي ولايبي يشتري قلت له تعال نروح مركز متخصص حق بي ام في الصناعيه واختر منهم اللي تبي عشان لاتقول اني اعرفه او متفق معاه وفعلا رحنا بالسياره وحصلنا واحد معلم سوري وقال بشيك لكم السياره والممشى الحقيقي حقها بكمبيوتر خاص نركبه على السياره ويطلع كل المعلومات وطلب ١٥٠ ريال قلت مافي مشكله بدفعها عشان ترتاح يوم فتح الكبوت وفحص السياره وشيك الا الممشى حقيقي فعلا ٦١ الف كيلو والسياره سليمه ١٠٠٪ لدرجه انه قال للزبون اذا ماتبيها بشوف لها زبون لان نادر هالموديل تحصله ماشي قليل وقتها الرجال ارتاح واطمن لكلامه وشرا السياره 

والعبره يا اخوان ان بعض مراكز الفحص تتفلسف وممكن تعطيك معلومه غلط والحمدلله تمت البيعه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


و عليكم السلام ورحمة الله و بركاته

مشكله مراكز الفحص كبيرة بالفاضي

وفوق هذا ما يشتغلون ميكانيكا ولا كهرباء ولا شيء مجرد فحص 5 دقايق و يطقك 200 ريال

شوف كم دخل المحل بدون اي تعب ولا تحصل عندهم زيوت بالارض ولا قطع مرميه مثل الورش ولا شيء

تحصلها ورشه مرتبه و دخل عالي على خراط فاضي

اي سيارة تجيهم يطلعون فيها عيوب انت صاحب السياره تخاف ههههههههههههه

وهي بالحقيقه مافيها الا العافيه


up 4 down 3
عطني جبهتك -31
قبل سنه و 11 شهر



حسبنا الله ونعم الوكيل


up 6 down 2
سند10 1167
قبل سنه و 11 شهر



عندنا معارض السيارت والورش وقطع الغيار ومراكز الفحص والوكلات والناس كلها مضروووبه للاسف






up 3 down 0
المنطق يقول 659
قبل سنه و 11 شهر



نفس ماحصل معي : مع مركز مشهور فالرياض : ياخوان جيب لكزس 2015ماكمل معي شهر ونص . ورحت ابيعه الممشى كان 9000
طلع فيه جلد ومقصات ويبي له وزنية وصوت تكايات المكينة وبلوف . وكراسي مكينة ومدري ايش المهم كان بيشتري واحد وعافه
قلت هذا حق فحصك واخذت من المركز فاتورة ان هذي مشاكل السياره : وطلعت للوكالة فرع عائشة وقابلني موظف اسمة عبدالله
وعطيته الورقة وشرحت المشكلة له قال بشيك لك . المهم من الي كتبها كله ماطلع شي قال الزيت يبي له تغير فقط؟؟؟ واخذت ورقة
ورحت تهاوشت مع مركز الفححص . واتصلت على صاحب المركز قال بنرجعلك حق فحصك والله يستر عليك


up 8 down 0
صاحب سموه 536
قبل سنه و 11 شهر



والله وانا اخوك سهم بذات فحصهم اي كلام .صار لي معهم موقف قبل فتره وفحصت سيارة قالو لي اوكي ويوم شريتها مصايب الدنيا طلعت فيها وشاص مضروب وغيره وانا خصمهم يوم القيامه لاني بعت السياره لو واحد فحصها عندهم وطلعوله العلل -سبحان الله 


up 1 down 0
zizo202 333
قبل سنه و 11 شهر



فحصت سيارة بالشرقية عن طريق زميل لي وطلعت سليمة على كلام الفحص ولمن استلمتها بمكة وفحصها الزبون طلعت ماشية 700 الف ومرشرشة من كل جهة هههه والسيارة لو تشوفها تقول وكالة لكن الفحص الحقيقي يطلع لك كل شي ودفعت الخسارة من جيبي حسبي الله


up 0 down 1
يارب توفيقك 2014 1609
قبل سنه و 11 شهر



ياما فيه ناس كثير ضيعت من يدها سيارات نظيفة بسبة مراكز الفحص الفاشلة
مركز الفحص لازم يطلع اي خراب للمشتري عشان المشتري دافع فلوس قيمة فحص وبعد شوية ملاحظات يقدر ينزل من قيمة السيارة
ويقوم المشتري يبطل و يهون عن الشراء عشان خاف من كم ملاحظة هههههههه


up 1 down 0
abd_alrhmn 2334
قبل سنه و 11 شهر



حسبي الله ع مراكز الفحص
مرة صارتلي نفس الهرجة جاني زبون ع اساس يشتري سيارتي الاكورد و رحنا عند واحد اسمه ابو عمار
بس رفع السياره و يطلع عيوب و اخر شي يقولي مكينة و قير يحتاج توضيب و الزبون هون يشتريها و رجعو البيت مقهور
و قالي يحتاج توضيب مكينة و قير لان العزم كان طايح و انحلت مشكله العزم بعد ماوزنت الديلكو
و بعتها قبل 3 اسابيع ولله الحمد و الله يبارك لراعيها


up 2 down 0
fowad 120
قبل سنه و 11 شهر



مركز فحص سهم كلامهم فاضي انا كنت ابي اشتري سياره

من واحد وقلت ابي افحصها بسهم تخيل السياره جديده

يعني ماشيه 4 الاف وموديل جديد .

طلع بالفحص ان المكينه يبيلها تصفيه وتغيير بواجي

ناديت المسؤل قلتله السياره جديده منين طلعت هالعيوب

وصرف نفسه قال مع الخط تصفى ههههههه


مركز فحص ماخذ سمعه على الفاضي 



up 2 down 0
abomesal 1020
قبل سنه و 11 شهر



يالربع الي يروح ويفحص سياره عند محل معين ويقولون سليمه وهي مضروبه يقدر ياخذ حقه يروح لشرطة ويفرع عليهم قضية نصب واحتيال وكثير ناس سووها بس هينا الشعب خلاص انا انغشيت معاد اقدر اسوي شي لا القانون يحميك وتقدر تاخذ حقك حتى لو قيمة السياره من راعي المحل وبعدها بيسلكون معك ومع غيرك عشانمايغشون احد 


up 3 down 0
أبـو سـعـود 21
قبل سنه و 11 شهر



يازين الجديد بس وريح بالك ٥ سنين وانتو بصحه وعافيه ..


up 4 down 1
sloo00 581
قبل سنه و 11 شهر



شباب وين افضل مكان افحص فيه بالمدينة احتمال اليوم باخذ لي سيارة وبفحصها وين افضل مركز فحص ثقة وكويس يفحص المكينة والبودي والعداد اذا هو منقص بالله تكفون لا تبلخون


up 1 down 0
رسمتك وهم 125
قبل سنه و 11 شهر



لا انصح بمراكز الفحص
وانصح بالورش ( ميكانيكي وكهربائي...)
ما السبب؟
لأن العاملين بمراكز الفحص صاروا أشبه بالاطباء الذين يعملون في وظائف ادارية..أما الذين في الورش فهم مثل الاطباء الذين يعملون في الميدان ويعاينون المرضى


up 3 down 0
aboosama08 98
قبل سنه و 11 شهر



كنت بفحص سياره عن مركز فحص وكانت ماشيه 40 الف وقالي لازم سير التايمن يتغير واشتريت السير واطالع في كتالوج الوكاله الا مكتوب السير يتغير عن 150 الف وبعت السياره ماشيه 75 الف السير باقي ما تغير - بعضهم حافظ مش فاهم وممكن تكون مغير كراسي مكينه ويقولك مكينه مفكوكه 


up 1 down 0
عمده33 1617
قبل سنه و 11 شهر



قديمك نديمك لو الجديد اغراك
انا ماني ضد فحص الكمبيوتر
بس وين اللي يفهم فيه
فحص البدي كمبيوتر بس
باقي اجزاء السيارة ورشة 
يفحصها اذا مكينه او قير او دفرنس مفكوك بيعرف الميكانيكي
باالنسبه للشاص وباقي بطن الموتر سمكري يفحصها
وباالتوفيق


up 1 down 0
باترول 2020 2338
قبل سنه و 11 شهر



ارجع للميكانيكي الفاشل هذا و اعطيه كم كلمة تبرد القلب
قال رسول الله صلى الله عليه وسلم{ان الله يحب ان يعمل احدكم عملا ان يتقنه}



up 1 down 0
بن عبدالحق- 87
قبل سنه و 11 شهر



انا صار لي تقريبا نفس الموقف
في  رمضان حصلت لي جمس يوكن ف الموقع هنا
اتفقت مع الرجال ع بعد العصر
الرجال كان ف قمة الأخلاق والأدب 
أعطاني كل مافي السياره من أدنى عيوب
قلتله السياره باين عليها نظيفه لكن ودي الفحص عشان ارتاح
قالي من أبسط حقوقك
وأخذ السياره انا والسواق حقه وكان واحد من الأصحاب معايا 
وكان يفهم ف السيارات
المهم رحت عند أول مركز فحص
قالي المدينه مبوشه
وقالي بكم اتفقت مع الرجال 
قلتله ع المبلغ   قالي حرااام عليك غالي ماتسوى
قالي صاحبي ماعليك منهم والله انو مو فاهم شي الموتر نظيف
ونتركه ونروح محل فحص
 ثاني والحمدلله طلع كل شي ممتاز
وتمينا البيعه والحمدلله
ورجعت للمدينه اللي انا ساكن فيها وفحصتها عند ميكانيكي اعرفه
وقالي الموتر ماشاءالله تبارك الله
واعاني مكسب 3000 يبغاه لقريبه قالتله والله اني ابغاها ليالي
فالمهم لاتعتمد ع اول محل فحص اخسر كم ميه احسن من انك تخسر الوووف


up 1 down 0
شيهون 86
قبل سنه و 11 شهر



سامحوني ع الأخطاء الإملائية اكتب من الجوال ياخوان


up 1 down 0
شيهون 86
قبل سنه و 11 شهر



مسموح طال عمرك  اهم شي عسى ماكنت تسوق السياره 


up 1 down 0
abofarah 906
قبل سنه و 11 شهر



واحد اعرفه مطلع لكزس 2013 على وقتها وكان فيها حذفه يسار يقول رحت العضيب من لقافتي لاني ماني فاضي احجز في الوكاله قالو عندك العكس يحتاج تغيير يقول وتقفل معي واحجز في الوكاله واروح لهم كلي شر وادخل السيارة ويفحصونها سليمه بس عايرو هوى الكفرات وضبطت


up 2 down 0
بريق الرياض 265
قبل سنه و 11 شهر