أضف سؤال أو موضوع جديد          

توضيب طنجرة القير مشكلة وحل

up 20 down 20
benz lover -29
قبل 3 سنه و 2 شهر



السلام عليكم اسعد الله صباحكم جميعا الكل سمع عن طنجرة القير او بطيخة القير تركب بين القير والماكينة وتعمل مع دوران الماكينة بضغط الزيت اذا خربت تحوس العزم يموت حيل الموتر كله يقولك تصفية تصفية غير غير 

اعراضها تفتفة بين ٤٠-٨٠ وتقطيع بالدعسة ورجة وهزة قوية تحسبها كانها ربلة عمود او شيال بالمراحل المتقدمة يطلع صوت زنة لها وازعاج وعداد الضغط يطلع وينزل وبالسرعات العالية تعطيها دعسة فجائية ماتستجيب الا بضعف شديد

طبعا موتري بي ام الفئة السابعة ٨ سلندر الكل اجمع انها طنجرة وديتها تراي ستار قالو ١١٠٠ تخلص خلال يومين وضمان شهر رحت لهم اخذتها اعطوني القطع الخربانة فيها وسبب المشكلة  ووقت التركيب ملحوظة مهم يوم تجي تركب عبها زيت قير تاخذ حوالي ٢-٣ لتر حسب السيارة وعوض النقص بالجير نفسه لانه راح مع الطنجرة يوم انفكت

بعد التجربة الموتر ماشاء الله تبارك الله رجع طيارة ماتمسكه نعومة تبديلات مافي حنة ولا تفتفة كنت متخوف من شغلهم ناس قالو مابتضبط قلت نجرب والامور طيبة ولله الحمد واللي مجرب الشركة يعلمنا بتجربته   

 










إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


وينه فيه تراي ستار


up 4 down 1
د الحميد -26
قبل 3 سنه و 2 شهر



الصناعية القديمة بالرياض لهم فروع بمناطق كثيرة


up 3 down 5
benz lover -29
قبل 3 سنه و 2 شهر



وين بالظبط في الصناعيه القديمه


up 4 down 2
د الحميد -26
قبل 3 سنه و 2 شهر



وانت جاي مع مخرج ١٧ غرب اول اشارة خلها الثانية حقت الفيصلية فيها ساهر اقطعها ورح سيدا يجيك نفق ابتل سيدا حوالي كيلو يجيك محلات مطابخ بعد النفق بعدها اشارة رح يسار تحصله على يسارك مباشرة يفتحون الصباح لين الظهر بعدها من العصر العشا


up 5 down 6
benz lover -29
قبل 3 سنه و 2 شهر



وعليكم السلام , تصدق عندي رجه كانها شيال او ربله العمود وغيرت شيال اصلي وترصيص كمبيوتر وباقي موتر يرج وفيه صوت لما اشد على موتر عند مقدمه القير , تتوقع طنجره هي سبب رجه ومشاكل هذي


up 5 down 0
x500 775
قبل 3 سنه و 2 شهر



اخوي بنز
انت وضبتها ولا غيرتها 
انا ماعندي خلفية عن البي ام
ولكن اعرف بروانة  السيارات الامريكي تجي صبه وحده وملحمة ولا تنفك  مثل الصورة المعروضه
ومالها حل الا تتغير  


up 4 down 0
hussain4 845
قبل 3 سنه و 2 شهر



لأن عندي السييرا أشك ان البروانه فيها مشكلة 
اذا شغلته الصبح  مع التشغيل اسمع صوت شي يطق او يحتك  أسفل
غيرت كراسي المكينة والقير والدبل ولازالت موجودة
وغير كذا اذا دبلت الدعسه وانا ماشي ١٠٠ ماهو ذاك العزم مع ان مكينته ٥٠٣ فقط حنه على الفاضي 


up 2 down 0
hussain4 845
قبل 3 سنه و 2 شهر



اخوي حسين وضبتها  يقصون اللحام ويفكونها قطعة قطعة ويخلصون ويلحمون في مكاين ترصيص عشان الرجة شغلهم ابداااااع 




up 2 down 4
benz lover -29
قبل 3 سنه و 2 شهر



و عليكم السلام ورحمة الله و بركاته

نفس الاعراض تماما حصلت معي باللومينا عداد الضغط يلعب خصوصا لو دعسة بسيطه بعد سرعة 40

يلعب بشيء بسيط و لو ثبتت السرعة على 120 مثلا كل دقيقتين ثلاثه عداد السرعة يلعب بقوة

يتراجع لحد 110 مثلا الى 130 او اكثر

مع الوقت بعد حوالي 3 شهور او اكثر صرت وانا مسافر السياره كأنها بارده بالخط

كل كم دقيقة تجيها تقطيعه بسيطه و تروح بعدها بشهر ضربت البطيخه صارت تحن و تمشي شوي و توقف

لكن استخدمتها على وضعها حوالي 4 شهور كنت اروح فيها مسافات قريبه و استخدم الشبح

عشان ما تخرب اللومينا مع الوقفه ولكن طول فترة الاستخدام عدمت القير معاها و اضطريت توضيب كامل

عند شركة ديكسول مع توضيب البطيخه


up 0 down 5
عطني جبهتك -84
قبل 3 سنه و 2 شهر



بنز , انتظر ردك على استفساري فوق بما انك مريت بتجربه .


up 1 down 1
x500 775
قبل 3 سنه و 2 شهر



اخ بنز احتاج اتواصل معك لاهنت 


up 0 down 0
أبو مزيد 174
قبل سنه و 8 شهر