أضف سؤال أو موضوع جديد          

شراء bmw 320

up 2 down 6
محمد حمدان هلال 12
قبل 2 سنه و 7 شهر



السلام عليكم
الحمدلله قبل كم يوم شريت bmw 320 2015 مستعمله ممشاها حول ال30الف
من معرض لصديق الوالد وبينهم شراكه
طبعا موتري الاف جي ما بعته وما افكر ابيعه نهائي لكن الاكسنت بعتها2016
طبعا الي ابي اعرفه من خبراء الموتر وملاكه كيف ممتاز؟ولا تنصحوني اغير الموتر دفعت قيمته لكن لا يزال باسم المعرض
وراعي المعرض بحكم المعرفه قال استعملها اسبوع وقرر وحاليا كملت 4ايام وممتازه الصراحه
طبعا فيها عقد صيانه واذا احد له خلفيه بقطع غيارها لا يبخل علينا بالمعلومه

هل تنصحوني ي ملاكها او مستخدميها اخذها؟ الموتر لا يشكو من شئ ماشاء الله وكذا شخص مدح الموتر يقول عملي بسبب قله مواصفاته







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


و عليكم السلام

320 يعتبر فئة صغيرة يعني تقارنها بسيارات اخرى بنفس السعر و ممكن ارخص

مثل ازيرا 2015 مثلا او كادنزيا فرضا

بتكون الـBMW اقل منهم عزل و راحه ولو انها كانت سيارة المانية

ولكن الفئات الصغيرة تكون سيارة عملية فقط ما تقارنها بالفئة السابعة مثلا بالراحه و الرساوة و العزل

وانت تشوفها ممتازة مقارنه بالاكسنت اكيد

ولكن اللحين لها كم يوم معك اركب ازيرا ولو انها كوري و سوقها بتلاحظ انها افضل من البي ام

او جرب الامبالا الجديده مثلا

تقولي هذي فئة صغيرة و الامبالا و الازيرا تعتبر فئة اكبر

صحيح فئة اكبر ولكن بسعر ارخص و افضل


up 2 down 11
عطني جبهتك -84
قبل 2 سنه و 7 شهر



وش جاب سيره الامبالا والازيرا انا عارف انها صغيره ومستحيل اكون قارنتها بالاكسنت انا لما اخذت البي ام
اكيد ببيع الاكسنت وش حاجتي لها وما احتاج سياره كبيره والسياره عجبني فيها صغر حجمها وعملانيتها
طبعا تقصد سعر الجديد منها مبالغ فيه وانا اؤيدك واخذتها مستعمله

وللمعلوميه ما كنت ناوي عليها او كنت ادور سياره اساسا رحت لراعي المعرض وقعدنا نتقهوى وقعد يسولف عن البي ام الي واقفه

وطلبت مفتاحها وجربتها وعجبتني ورحت سئلت واستفسرت عنها ومدحوها لي وقلت بشتريها منك وما قصر معي
وانا شخصيا ما احب الفئات الي بحجم السوناتا والافلون واخوي اساسا معه كامري16 ومفتاحها سبيل الي ياخذها ياخذها






up 2 down 4
محمد حمدان هلال 12
قبل 2 سنه و 7 شهر



انت مقتنع بالموتر خلاص ليش تسأل؟



up 2 down 3
hb19801988 224
قبل 2 سنه و 7 شهر



طيب ليش تسال دامك سقت وجربت وبتبيع الاكسنت لجل تاخذها 


up 1 down 3
ابوزفره 22
قبل 2 سنه و 7 شهر



يعني اوريكم اني حركات وكاش


up 6 down 4
turki-5 48
قبل 2 سنه و 7 شهر



هو وجه سؤال لمجربين الفئه هذي من ناحية القطع والصيانه
اقتنع بسواقتها وسعرها لكن حب يسئل الخبره قطع وصيانه وش المشكله فالموضوع يوم متضايقين منه؟؟


up 1 down 3
شويخ من أرض مكناس 2820
قبل 2 سنه و 7 شهر



ماتوقع البي ام تتقارن مع الكوري بالعزل والراحه لو مديلها 2004 او 2003 بتكون افضل وفئة 320 تتقارن مع المرسدس ال c200 والاودي a4


up 0 down 1



turki-5: هرجه يعني اوريكم كاش وكذا ترا قيمه السياره ما تعدي ال80الف وهذا يدل على عقليتك الضعيفه انك تتكلم بالشي ذا
وسؤالي كان لمجربين هذي الفئه الي انت منت منهم وانا قلت السياره لا تزال باسم المعرض وبحكم المعرفه الي بيني وبينه صاحبه

قالي استعمل الموتر اسبوع واذا ماعجبك موجوده فلوسك وهذا كله موضح بالاعلان لكن الدلوخ الي مثلك يدرعمون
والي يتكلم عن مقارنتها بالاكسنت وش دخل الاكسنت انا قلت بعتها وشريت السياره ذي
اتمنى من مجربين هالفئه فقط" يتكلمون عنها من ناحيه قطع وغيره


up 0 down 1
محمد حمدان هلال 12
قبل 2 سنه و 7 شهر



واشكر الاخ شويخ
على توضيح النقطه الي بوصلها سواقه السياره وحدها ما تكفي السياره حذروني من قطعها لكن محد عطاني فكره عن اسعارها
بس يرمون تحذيرات انتبه وانتبه واقوله بكم يقول مدري
ياليت مجربين هالفئه والي يعرفون بعض اسعار قطع الغيار او السعر التقريبي ما يقصرون


up 0 down 1
محمد حمدان هلال 12
قبل 2 سنه و 7 شهر