أضف سؤال أو موضوع جديد          

وش رايكم في بي ام دبليو 2004 750

up 2 down 1
bssam13 252
قبل 4 سنه و 4 شهر



السلام عليكم كيفكم يا شباب
اليوم الصراحه لفت انتباهي في البي ام دبليو
الصراحه عجبتني من الداخليه
وشفت موديل 2004 735 الظاهر هذا الرقم
لكن ما شاء الله من الداخل فخامه لا يعلى عليها *اخوكم لا تلومونه متعود على داخليه كامري 2003 *هههه
المهم شفت سعرها والله سعرها مناسب في حدود 18 19 20 الف النظيف مره
فانا بسال ذوات الخبره وش رايكم في الموتر طبعا لو بشتري اشتري فل كامل
وكيف صرفيه للبنزين وكيف سعر قطها وكيفها في الخطوط متماسكه ؟؟وعطوني معلومات عنها
ويعطيكم العافيه والله يجزاكم خير
اخوكم ما يعرف شيء عن البي ام دبليو
والسلام في الختاام







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


شف يالغالي مايحتاج الماني فخامه امان دلع راحه بتاع كلش.
لكن مع اول مشكله وخراب ولا صيانه دوريه بسيطه الله يعينك
بتتفاجأ بالغلى والوبى سواء من اسعار القطع او من السباكين الي
في الصناعيه.
بتكرهه نفسك وتكرهه اليوم الي شريته فيها .
نصيحه خذ موتر خدمه لا مشاكل ولا وجع راس . وبالتوفيق لك


up 2 down 0
الوااادعي11 285
قبل 4 سنه و 4 شهر



خرااابات بشكل خرااااافي راح تصير تخدمها بدل ما تخدمك اسأل مجرب منتشره عندنا في الأردن


up 4 down 0
moathqaisiyah 178
قبل 4 سنه و 4 شهر



انتبه منها ولاتغرك الفخامه والله ما تطلعك من الصناعيه كل يوم خرابات


up 3 down 1
hammoud mendes 150
قبل 4 سنه و 4 شهر



الالماني ماعليه غبار
لكن الالماني ياتشتريه جديد ياابعد عنه هيدوريك البي ام اللي انت قلت عنها سعره اغلى من الموتر
يعني معقوله مافكرت ليش سعرها كذا رغم ان قيمتها على ايامها ضعف المبلغ اللي ذكرته 10 مرات
سياره عفى عليها الزمن مالك ومال المضاهر الكذابه ال25 اللي بتدفعها في هالبي ام روح اشتر فيها اكسنت والا يارس
من موديل 13 وفوق سياره تخدمك وتودي وتجيبك وتريح من الورش والخساير لو مرسيدس اهون لكن بي ام الورش المتخصصه فيه
قليله ووكيله فاشل ومحلات قطع الغيار قليله والتشاليح بيتعب وانت تدور له قطعه
بصراحه ماانصحك فيه


up 2 down 1
miz00 207
قبل 4 سنه و 4 شهر



السيارة ما عليها كلام لكن قطعها وصيانتها مكلفة

بالنسبة للاستخدام لي صديق استخدم 2002 جلست معه فتره سنتين والحين معه 2009 740 لها معه تقريبا سنه وثلاث شهور طبعا الرجال عنده تجاره بالرياض والدمام ورايح جاي بالاسبوع لايقل عن مرتين يقلي ما عمره اشتكى من شئ وماعمرها قطعته وعلى حسب كلامه يقلي المديلات 2002 الشكل القديم اقوى من الشكل الجديد والرجال ما عمره شكى منها هذا والله أعلم لكن بالنسبة لوجهة نظري أرى إنك تاخذ سيارة منتشرة ومعروفة وقطعها رخيصة افضل لك لان اصلا سبحان الله السيارات توافيق من الله اللي يظبط معك ممكن ما يظبط مع غيرك بالتوفيق عزيزي .


up 2 down 0
hogkal 255
قبل 4 سنه و 4 شهر



عيب هذي السيارات ان ما احد يشتغل فيها غير الورش المتخصصة ب البي ام او مرسيدس والاسعار اكيد غالية ومكلفة غير قطع الغيار وفوق هذا لو انه موتر تمام وخدوم م انباع ب هالسعر نظيف ب٢٠ !?  لاحظ الكامري مثلا القديمة ال٢٠٠٢ و٢٠٠٣ توصل اسعار النظيف منها حتى ال٢٥ او٢٠ مثلا   


up 0 down 0
stecker_gm 176
قبل 4 سنه و 4 شهر



يعطيكم العافيه
وشكرا لكم


up 0 down 0
bssam13 252
قبل 4 سنه و 4 شهر



سبحان الله سيارة كان قيمتها جديدة على وقتها عام 1425 هـ ,,,, 250 ألف ريال . . . .

ربع مليون ريال ,,,,,,,,,, ومن يملك هذا المبلغ في ذاك الوقت ويحطه في سيارة ؟؟؟؟؟؟؟؟؟؟

الله يالدنيا ,,,,,,,,,,,,,,,,,,, 12 سنة فقط والآن بـ 18 ألف بس . . . . . .


up 1 down 0
خارج الوسط الرياضي 103
قبل 4 سنه و 4 شهر



السياره حلوه وفخامه والالماني. معروف. بالمواصفات والفخامه

لاكن القطع. غاليه  الشي الثاني هو الاهم. نادر جداً 

تحصل. ورشه. فاهمه. في ال بي ام.  واذا حصلت. 

ورشه  فراح يتغلون بالسعر. عليك. 

كان عندنا واحد من جيراننا سوري. كان. معه بي ام 

2003/735تقريباً. شكلها حلو. الداخليه فخامه.  

لاكن. كان يشتكي. منها  بعد فتره. شفت معه هونداي 

سنتافي. 

باركت له عليها. وسئلت عن البي ام. قالي بعتها. 

المهم. يقول  خسر فيها. والمشكله يقول. ماتحصل. 

ورش. متخصصه فيها. ومحد يعرف مشاكلها. 

والقطع غاليه. وغالباً. ماتكون متوفره. لازم طلبيه. 

تجلس حدود اسبوع. وانت متعطل بدون سياره. 

وباعها. وكلامه لي. يقول. السياره من ناحيه شكل. 

وفخامه وعزم وعزل. وراحه. فهي. حلوه جداً. لاكن. 

عيبها. ان محد يعرف  لها. والعيب الثاني. قطع الغيارغاليه 

حتى البطاريه. يحلف بالله انه غيرها ب2500ريال 

وانا والله مدري هو صادق. اولا.  انا ماعرف. عن سعر القطع 

كم بالظبط. لاكن. معروفه بغلى قطع غيارها. 

لاانصحك. تبعد عنها وتدور لك. سياره. حلوه. 

ومنتشره بين الناس. وعلى الاقل. تحصل ورش. تفهم 

فيها. وقطع غيارها. رخيصه. 

البي أم. دبليو. 

حلوه وفخامه. لاكن. اذا قدر الله وخربت. عليك. 

ومالقيت احد يعرف خرابها. او عرفت العطل. وحصلت 

القطعه فوق ثلاثه الاف. وشغل اليد. غالي.  

بتنتظر لين يجي الراتب. وتصلح. 

الفخامه. والشكل  ماعاد لها طعم. اذا كل يوم. بالورش. 


يارجال. حتى سياراتنا. فهي تايوتا وهونداي.  يالله. 

تحصل واحد فاهم ويصلحها. 

احياناً. مايعرفون وش فيها. 

فمابالك  البي ام. 

اسف جداً على الاطاله.  لاكن من عادتي. لازم اوضح 

كل شي.  




up 1 down 0
سبحان الرازق سبحانه 2512
قبل 4 سنه و 4 شهر



العضو سبحان الرازق سبحانه
يعطيك العافيه على التوضيح ما شاء الله وضحت بشكل عام وشكرا لك
ولا يهون الباقين
يعطيكم العافيه جميعا اعضاء منتدى السيارات


up 0 down 0
bssam13 252
قبل 4 سنه و 4 شهر



انحشششش !
مره شفت الموديل الي انت عارضه بس كان 740 يمكن 
المهم كان يبي فيه 13 بس يبيله مكيف جديد 
يمكن المكيف الجديد بسعر الي يبي بيبيعها فيه 


up 0 down 0
abdulaziz lq 27
قبل 4 سنه و 4 شهر



اقسم بالله انت رجاااااااااااااال والسؤال دا جه فى وقته وغير جدا ما احد قصر فى شئ كل واحد قال اللى يعرفه بيض الله وجهيكم


up 1 down 0
هانى شهاب الدين 1
قبل 4 سنه و 3 شهر