نصيحتك 730 Li 2008

احس ممشاها كثير ولازم تحط فيها اول ماتشتريها 

جزاك الله خير اخي سليم

اشوف كورلا افضل من
البي ام يقولو عنه بي هم
اذا تبي موتر ثاني واخف اذا كان موترك الاول ثقيل
تاخذ كورلا اكسنت . او كامري
ابتعد عن السيارات المعقده تتعبك وتاكل فلوسك وتعرفك على بشريه مايعرف للبي هم الا هم
بتشوف نجوم الظهر

جزاك الله خير اخي امير الاصيل

وشاكر لك ردك و اهتمامك و نصيحتك

امير الاصيل من قال لك ان الرجال يبي موتر اقتصادي وبعدين وش جاب الكورلا للبي ام
انا ملاحظ عينات كثير بالمنتدى نفس تفكيرك يقول ابي بي ام او سياره فارهه يجي واحد ينط يقول خذ لك بقيمته صني جديد ولا اكسنت هههههههه
ياحبيبي هو استشار عن سياره معينه عندك علم عنها ولا لاتشطح اما بالنسبه للبي ام ياصاحب الموضوع لو تلاحظ الموديل هذا اغلبه ماشي حول 400 الف هذا يدل على تحملها
واعتماديتها وانا اعتبره افضل جيل للفئه السابعه من ناحية الصلابة والتحمل

اخي 056

جزاك الله خير و بارك الله فيك و الحقيقة منكم نستفيد و خاصة ممن كان لهم التجربة مع هذه الفئة

و شخصياً استخدامي لها سيكون داخل العاصمة الرياض فقط

و الحمد لله امتلك جيب عائلي للترحال و غيره

و ان كان لديك أي نصائح اخرى اتشرف بها

اخوي ابو رقم 056
الرجال يدور مديل 2008
و النوع هذا من السيارات معقد تصدق واحد من الديره عندنا تهور قبل شهرين وشرى بي ام مديل مممكن 2010
المهم وانا امشي بالشارع الا والسطحه شايلتها تهز على ظهرها
ومن ذاك اليوم الا اليوم ماشفتها
و لازم ننصحه
ومن استشارك دخل في ذمتك
الا ياخذ كورلا اريح واخف نفس وعمليه واقتصاديه
ومتوفر قطعها
بلا بي ام بلا مشاكل

بعدين تعال شوف اسعارها مديل حديث وفخامه وطولها 7 متر
وب30 الف

موديل 2010 هذا جيل يختلف عن 2002 الى 2008 واذا على السعر كل السيارات الفخمة تطيح اسعارها

نصيحه لاتتورط هذي سيارات يبغالها واحد كاااش 
يعني متى ماصار شي جهز خمسمياتك 

الوفا

جزاك الله خير على نصائحك

الي يقول كورلا مدري ايش ايش جاب الصقر للغراب بعدين قطع غيار تويوتا اقسم بالله اغلى من بي ام وروح تأكد
بنفسك ياراعي الموضوع خذها نصيحة استشير الناس في كل السيارات الا الالماني خذها وانت مغمض

مرحبا فيك اخي
a11

جزاك الله خير

وشخصيا فحصت السيارة و الحقيقة تفاجأت ان قطع غيارها ارخص من النيسان و تويوتا في بعض القطع

و بشكل عام السيارة سليمة من الحوادث و تحتاج صيانة استهلاكية بحدود

2000 ريال تقريبا

اخوي نصيحه وعن تجربه البي ام ذي الفئه بذات قطعها غاليه يعني اي خراب بيكلفك مبلغ وقدره واذا تبي تاخذ فئه كويسه من البي ام
انصحك بالفئه الخامسه انا امتلكت الفئه الثالثه2015 سياره صغيره تنفع للتنقل داخل البلد وتكرف لكن مافيها مواصفات
البي ام الي بتاخذها ممشاها كثير الصراحه وقد بعدين تحتاج تغيير بعض القطع وتبتلش بقطعها وحوسه انت في غنى عنها

رأي تعيد النظر فيها اذا تبي موتر فخم ويكرف عندك اللكزس مايهمك الممشى دام المحركات سليمه

رغم اني ابحث على بي ام دبليو ذي الايام
صراحة بشوف قطعها ارخص من الهوندا اللي معاي
انا مااعرف اللي يشتكون من البي ام اي مشكلتها الرئيسية اللي يخلي الناس كلها تشتكي
مع اني بلاقي السيارة مع أشخاص حالتهم عادية