بخصوص التيربو ارجو مساعدتي

السيارات هذي ان ما تعطل التربو تعطل الاقل منه 
وصرفت ميزانيه 
نصيحتي لك خلك ع الياباني روعه
او الامريكي راحه ووسع ...وتسعد في حياتك
الالماني له زباينه وله ميزانيته المرهقه

الالماني لازم ميزانيه للموتر لحاله
صراحه سيارات حلوه وابداع بالتكنولوجيا والامان لكن قطعها حقين قطع الغيار رافعين اسعارها بشكل مو طبيعي وقليل ورش تعرفلها
انصحك زي ما قال الاخ ياباني مايتعب راعيه بذات التويوتا عن تجربه
والفئه الي تتكلم عنها قطعها ناار واحد اعرفه معه 730 2014 صراحه متعبته بالقطع

معروف عن التوربو إنه مايتلائم مع الأجواء الحاره , ينفع للأجواء البارد
وحسب كلام حسن كتبي .. إنه بعد ثلاث سنوات إستخدام بتسوي له صيانه الله لايعوق بشر حتى لو محافظ .. اتوقع له عمر افتراضي او شي من هذا القبيل
بالنسبة لي ماجربته للأمانه ومتخوف منه
ايام نزل على الاكسبديشن 2015 يقولي سوداني في وكالة فورد إن الاكسبديشن 2015 ماعليه طلب لأنه توربو
وزاد الطلب على 2014 .. هذي نظرة الشعب بشكل عام
أنصحك تسأل أصحاب BMW جربوه أو ورش مختصه في الـ BMW وشوف مشاكله وعيوبه

اذا مصمم على BMW أنصحك بالفئة الخامسة وحاول تأخذ تنفس طبيعي بدون توربو
قطعها متوفره وخدومه وقليلة مشاكل تكد مثل الكامري
الفئة السابعه حقت وجاهه ورزه مع استخدام حشمه ومحافظة + خطوط طويلة

استفسر في منتدى بي ام افضل لك

لان اللي معاهم بي ام قليل جدا

خذ العلم من ملاكها الحقيقين

موفق

والله اذا تبي رأيي اسأل مجرب ومستخدم للموديل وشوف المنتديات الخاصة بالبي ام يعطوك العلم الأكيد والله يبارك لك

الشاحنات والتريلات كلها تيربو ديزل ومن زمان جداً وتشتغل في اقسى الظروف المناخية من الحر والغبار ، المشكلة ماهي من التيربو ، المشاكل تطلع من التقنيات والالكترونيات الكثيرة والمعقدة والتي غالبا مايعرف يصلحها الا الوكالة

حتى الالماني فيه تيربو والايطالي تيربو

الاودي فيها تيربو والبورش نفس الشي

اخوي بالنسبة للتوربو حسب استخدامك.. انا الوالد عنده 740 2011 استخدامه محافظ عليه و الحمد لله مافيه اي مشاكل.. عمر التوربو يعتمد عليك.. يمكن 3 الى 5 سنوات اذا كرفتته بدون ما تحافظ عليه.. او 10 سنوات و فوق اذا تعرف كيف تحافظ عليه.. شوف فاليوتيوب حسن كتبي له فيديو يشرح كيف تحافظ على التوربو.. السيارة بشكل عام قطعها شوي غالية.. و لو كديته بس محافظ على صيانتها ما يضرك شي انشالله..واهم شي اهم شي تمدد عقد الصيانة 10 سنوات/120 الف وتمدد الضمان.. الناغي اذا حصل عيب او خلل مصنعي لا سمح الله وانت عندك ضمان يغيرلك المكينة كاملة ما عنده مشكلة.. لانه هو ما بيتكلف اصلا.. اللي بيدفع الشركة الام.. انشالله اكون افدتك

مثل ما قال اخونا ان التقنيات هي السبب ولا التيربو يستحمل
حتى شركة مازدا نزلت التيربو على الس اكس 9

الله يجزاكم خير ويوفق كل مارد وافادني ...
لان بعض الناس تخوفك من سالفه التيربو انه بعد ١٠٠ الف يتعطل .. والبعض يقول ما يتعطل الا من سوء استخدام <<
وان شاء الله يرد علينا من ملاك البي ام و نستفيد اكثر ..

توكل على الله السيارات الحديثة من بي ام اقل اعطال بكثير من الموديلات القديمة اهم شي تحافظ عليه وتشترك في موقع وقروبات تسهل عليك حل أي مشكلة انا شخصياً استفدت منهم كثير الموقع اسمه منتدى بي ام الخليج

ان شاء الله في احد يفيدنا من تجربه او معلومه ..