أضف سؤال أو موضوع جديد          

رايكم في bmw 2003 745

up 2 down 2
آبومقبل 5
قبل 4 سنه



السلام عليكم ورحمة الله وبركاته








اخواني انا ان شاء الله مقبل على شراء بي ام دبليو 745 لارج موديلات 2003 الى 2008




لكني متخوف من كلام الناس لانهم يقولون ابعد عن هالموديلات كلها خرابه بخرابه




واكثر يشتكون من مشكلة القير يخرب والي يقول يخرب بدون سبب واعطال مصنعيه و و و




لكني سجلت لاقطع الشك باليقين واخذ راي اصحاب الخبرة في هذا المنتدى وانا شاءالله نستفيد من رايكم 
اسئلتي هي :








1 -  رايكم بهذا الموديلات بشكل عام ؟
2003 الى 2008 
الحجم 740-745   --8 سرندل 
2 - الايجابيات والسلبيات بشكل عام ؟




3 - الاعطال المتكرره للسيارة واسعار قطع الغيار ومدى توفرها ؟




وهل الموديل 2003 يوجد به اعطال من المصنع 
حصلت  2003 ماشي 100 الف كيلو نظيف وش رايكم يقال انه فيه عيوب مصنيعه وهذا الموديل تحديدا يعاني منه كثر العيوب  والاعطال 
انا ابحث عن سياره ماتكون ماشيه يعني من 150 وتحت عدادها 

بالنسبه لي استخدامي يومي والدوام قريب ولكن السياره تتحرك 3 مرات تقريبا باليوم وبالمقابل انا من النوع الي يحب يهتم ويحافظ 
 وسبب نزول ورخص السياره لهذا الدرجه








اتمنى اصحاب التجربه والخبرة يعطوني نصايح
ونستفسد منهم
















وكم سعرها بالوقت هذا 




Bmw 745 2003
ابيض فل كامل داخليه بيج 
ماشي 100 




بارك الله فيكم جميع 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


كان مع الوالد الله يطول بعمره مثلها ومن اكثر السيارات الي شفته يمدحها تقريبا الكلام قبل 5 سنوات وموديل2006-2007
بس مع انها كانت نظيفه لازم تجيك خرابات ماتدري من وين ولو وديتها ورشه تطلعلك بخرابات ثانيه وطبعا بوقتها ما كان قديم الموتر مره
لكن انت الحين بتاخذ ذول الموديل ومر عليه فوق 10 سنوات بتتعب الصراحه سياره قديمه وقطعها غاليه ماتستحق العناء
وعمي اخذ مثلها بنيه البيع وابتلش فيها وبخراباتها وباعها بخساره


السلام عليكم ما انصحك بها ابدا حتى لو اضطريت تروح دوامك مشي لا تشتريها كان عندي وحده دفعت فيها يلي فوقي ويلي تحتي وآخر شي بعتها بخساره وخويي عندو زيها الحوت كل يوم بورشه وتصليح وكل ما يحل مشكله تطلع مشكله جديده لا تغرك الفخامة والتقنيه يلي فيها 


up 3 down 0
hammoud mendes 150
قبل 4 سنه



البي ام حلوه وكشخه ورزه بس لافتحت فمها تهلك الواحد بخراباتها
والحل الافضل لك تشوف شيء غيرها بتلقى كثير من السيارات
الممتازه والي لها سوقها لو تاخذ لكزس حتى تعتبر افضل من البي ام
بقلة الاعطال او من المرسيدس شيء مرتب ونظيف 


up 2 down 0
احمد شريف 3176
قبل 4 سنه



خذ لك اكسنت او صني وش لك بالمشاكل ووجع الراس
هههههههه


up 6 down 1
0562318080 192
قبل 4 سنه



2003 يعني 14 سنة من الاستخدام

هذا يعتبر موديل قديم ومهما كانت نظيفة رح تطلب صيانة بشكل مستمر ومستحيل على هذا الموديل توديها الوكالة ومن هنا رح تبدأ رحلة التجارب في الورش ورح تكره السيارة

بنفس المبلغ ممكن تاخذ سيارة ثانية موديل حديث وترتاح من الخساير

اسئلتك تدور حول العيوب والتكلفة فالواضح أن الميزانية محدودة ولهذا السبب ابعد عن الألماني بشكل عام


up 2 down 0
أبو عبادة 4852
قبل 4 سنه



با رجال اذا كامري محبوبه الشعب 2003  ما احد ينصحك فيهااا
كيف هالبي ام هذي


up 7 down 0
ابوحاتم6 461
قبل 4 سنه



الله يعطيكم العافيه 
اشكركم وربي يسعدكم 
صدق ما خاب من استشار 

بصرف النظر عنها بعد الاستشاره والله يكتب اللي فيه خير 


up 3 down 0
آبومقبل 5
قبل 4 سنه



انحش عنها اخوي معه 2005 وركب فيها قيرين وخسر فيها فوق ال 20 الف


up 1 down 0
saleh3177 46
قبل 4 سنه



مانصحك بهالنوعية لان قطع الغيار غاليه وقديمة السيارة وجايك الصيف وارتفاع سعر البنزين . من الاخر اشتر سيارة تستهلكها وليس سيارة تستهلكك انت

تحياتي


up 0 down 0
abofarah 1081
قبل 4 سنه



الفئه الخامسه عمليه وكشخه شبابيه بس انصح بالشكل الجديد 2011 وفوق
خذ لك نظره عليها.
بالنسبه للي ذكرت انا مع الشباب ماانصح فيها الا بحاله وحده . ان تكون سياره استخدام طلعات مو دوام او روحه ورده لا بس تطلع فيها ويك اند
وجهه نظر 
بالتوفيق


up 1 down 0
midnight_963 658
قبل 4 سنه



الالماني بصفة عامة لازم له صيانة يعني تسوي له مصرف خاص لكن اذا انت ماعندك مشكلة وتبيها تأكد من نظافتها واتوكل على الله وماعبيك من كلام الناس استخدامك انت ماهو مثل استخدام غيرك وانت ادرى باحتياجك من غيرم


up 1 down 0
نبيل110 329
قبل 4 سنه



شراها واحد عندنا بالديره يتميلح فيها وبعد فتره شفتها على ظهر سطحه
وعلى وجهها مارجعت
شف لك موتر يخدمك ماتخدمه يشيلك ماتشيله بالسطحات



up 1 down 0



سياره جباره لاتسمع كلام اللي يقولك أبعد عنها وهو ماجرب المشكله العقليات اللي تقوله بي أم يقولك أكسنت


up 0 down 1
ابوعمرومريم
قبل 4 سنه



على فكره القطع ماهي غاليه والصيانه ماهي صعبه بس لازم تفهم فيها وتعرف كيف صيانتها عشان ماتكرهها كانت معي وحده كرفتها كرف وسافرت عليها وبعتها لصديق يدعي لي لين باعها بس خذ 6 سلندر من حتى 2005 لان 8 سلندر فيها مشكلة جلد البلوف


up 0 down 1
ابوعمرومريم
قبل 4 سنه



ابو عمر يوم تقول لاتسمع كلام احد
المشوره طيبه ويقولو شاور الف
وبعدين رفيقنا يطلب مشوره بسياره 2003
وبي ام بعد
لها14 سنه
سياره معقده صعبة صيانه قديمه اصلا واستهلكت وكرفت ولافي ميكانيكي ماتوايق فيها

الا انصحه باكسنت ابرك منهااا انتهى


up 1 down 0



ولله كان في بالي أنزل موضوع بنفس هذا السؤال لكن ماكانت رغبتي في شكلية ال٢٠٠٣ كان نفسي ف٢٠٠٧ - ٢٠٠٨

وبغض النظر عن آراء الناس فيها وإنها تمدح والأكثريه تذم وتقول أبعد عنها أنا أقول ولله حاجه ومقتنع فيها وبإذن الله إنها كلمة حق
ياناس إذا الصيانه عندنا هنا فاشله وقله قليله يعرف يصينها وبأسعار مرتفعه وفي مدن محدده بس ليش العيب سار فالسياره ألحين أنا لاسقتها ولا ملكتها حتى لكن كل ماقلت ياولد بالله خش على منتدى بي إم
يجونك هالناس مشكلتهم صيانه وماصيانه وهذا يعني كلام صح ما أقول إنه غلط لكن أي سياره تطلب صيانه لكن ياشباب صيانتنا هنا فاشله ماترتقي لمستوى صيانه فليش العيب كله صار فالسياره نفسها !
لو فيه صيانه صاحيه ومتوفره كان ماشفنا كمية الذم فالسياره لكن أسأل الله التيسير للجميع


كان معي 2005 730

الله لايعيده موترخرابات مالها اول ولاتالي مع اني شاري الموتر نظيف من شخص اعرفه ماتدري اللى طالع لك خراب

المهم والله ياتبهذلت مع مهندسين مايرحمون بالصناعية القديمة بالرياض نصيحة محب لاتشتري بي ام شوري عليك

الله يعين ع الدسلايكات لكن يهون بابري ذمتي لان مر علي هالموتر والله ياهو مغثه


up 0 down 0
ول المطر -4
قبل 3 سنه و 11 شهر



سيارة فخمة وقطعها متوفرة بكثرة وصيانتها مو مره معقدة 
القطع نوعا ما رخيصة 
الاستخدام اليومي ممتاز تكرف معاك و تعطيك وعزمها جبار 
خصوصاً ٨ سلندر 
بس لازم تكون فاهم هذا النوع من السيارات من و الى لانها 
معقدة شوي 
مثل عداد الحرارة مهو موجود على الطبلون
لكن تقدر تطلعه عن طريق شاشة المعلومات الصغيرة اللي في العداد 

خصوصا لما تظهر لك اعطال في شاشة المعلومات لا تتجاهلها 
صلحها في وقتها يعني صيانة اول بأول 
وشرط انك تعرف ميكانيكي وكهربائي متخصص في بي ام 
لا تودي السيارة لأي ميكانيكي فقط متخصص في بي ام 


والسيارة لا فيها عيب مصنعي ولاشي 
انا كل سياراتي ألماني 
حتى اول سيارة اتعلَّم عليها كانت ألماني 

كل ما قدمت السيارة كل ما كانت صيانتها أصعب هذا شي معروف 
 وصيانتها تصير مكلفة نوعها ما كل شي له عمر افتراضي 
لكن الألماني مايعيبه الممشى ولا مدة الاستخدام لانه مصنوع  من اجود و اعلى معايير الجودة 
عشان يدوم لأطول فترة ممكنة 
لكن سوء الاستخدام و الاهمال وعدم الصيانة الدورية له دور كبير في العمر الافتراضي للسيارة 

خذ السيارة ونت مطمئن بس اهم شي تأكد من سلامة 
المحرك و القير و الكهرباء والكمبيوترات وباقي الأشياء الاساسية 

 





up 0 down 0
zonda
قبل 3 سنه و 5 شهر