أضف سؤال أو موضوع جديد          

رايكم في الفئة السابعة 740

up 3 down 2
7snalsh 5
قبل 4 سنه و 3 شهر



السلام عليكم
يا اخوان لقيت بي ام دبليو 740 موديل ٢٠١٢ 
ماشية فوق ال ١٢٠ 
يبغالها حساس مساعد على حسب كلام صاحبها 
رايكم في السيارة  من ناحية خرابات واسعار قطع الغيار 
وهل صحيح الكلام انه التيربو بعد ال ١٠٠ الف يبغاله تغيير 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الصيانه مكلف جدا ماانصحك في السيارات الفارهه


up 5 down 1
كارينو 572
قبل 4 سنه و 3 شهر



ممتازة ما عليها كلام


up 0 down 6
النهراني 271
قبل 4 سنه و 3 شهر



وعليكم السلام ورحمة الله وبركاته
الفئة السابعة تعتبر الفئة الفاخرة لدى BMW فمن الطبيعي تكون صيانتها مكلفه وقطعها غالية
- هل فيها خرباات أو عيوب مصنعية ؟
ماعندي علم للأمانة
- هل صحيح الكلام انه التيربو بعد ال ١٠٠ الف يبغاله تغيير ؟
مو أكيد بعد 100 الف أتوقع يمشيك أكثر لكن في النهاية لازم تسوي لها صيانة وصيانة التيربو مكلفة
انا عندي قناعة مااشتري سيارة فيها حاجتين:
- تيربو
- قير CVT
وأنصحك بالفئة الخامسة لأنها أكثر إعتمادية وتتحمل الكرف





up 6 down 5
..original 219
قبل 4 سنه و 3 شهر



اذا انت مقرش فلوس
اشترها واذا طفشت بعها بريال وربع
اذا بتدفع دم قلبك
احذر


up 5 down 2
امير الاصيل 1714
قبل 4 سنه و 3 شهر



النهراني
انت مدحت الموتر
هل استخدمت اللي اسمها بي ام
هل استخدمت سياره اوربيييه بوجه عام



up 1 down 2
امير الاصيل 1714
قبل 4 سنه و 3 شهر



مشكورين 
اتمنى نشوف اراء زيادة 


up 0 down 0
7snalsh 5
قبل 4 سنه و 3 شهر



سيارة ما عليها غبار في حالة انها كانت وكالة وراعيها مريش يقدر على 
الصيانة وقطع الغيار .....وممشاها 120؟ نصيحة لوجه الله طيحتها طيحة وبيعتها غبنة


up 0 down 0
abdullah_rea 248
قبل 4 سنه و 3 شهر



ع حسب السعر والنظافة محد يقدر يعطيك العلم الأكيد


up 0 down 0
business to consumer 1163
قبل 4 سنه و 3 شهر



اهم شيء اذا شريتها هل هي نظيفة ؟! 
بعد مشتراها تقدر على صيانتها ؟! 
اذا بغيت تبيعها تهمك قيمة بيعها او تغبنك ؟! 

جاوب على كل سؤال بحذر .. وتعرف اذا تناسبك او تصرف نظر عنها 
والله يوفقنا واياك 


up 1 down 0
nasser1430 873
قبل 4 سنه و 3 شهر



اكثر ناس ملعوب عليهم اللي يشتري سياره فارهه بدون ضمان , ياحبيبي هالنوع من السيارات اول مايخلص الضمان يطيح سعرها النص لان صيانتها مكلفه وعلى كلامك ماشيه 120 يعني انت بتستخدمها الى متى ! صدقني ماتوصل 170 الا وقامت تطلب واذا تبي اقنعك رح للورش المتخصصين واسال عن قط الغيار الاستهلاكيه


up 0 down 1
f.az 57
قبل 4 سنه و 3 شهر



(هذي سيارات غير مخصصه للعمل في بلادنا)
عندنا يالله السيارات اليابانيه تعيش
بسبب الاجواء وظروف الخطوط والقياده

و أحد الاشخاص قالي كلام صراحه ممتاز
يقول انا ما فيه امل اشتري سياره ب100 الف فوق

والسبب : اول شيء الخطوط متكسره ومنتهيه ما تروح ثلاث سنين الا والسياره يبغى لها تربيط

ثاني شيء القياده عندنا سيئه جدا يجيك صغير سن متهور او كبير سن ما يعرف يسوق او سواق وغيرهم

ثالث شيء الاجواء عندنا شديده الحر والاتربه الشبه دائمه طوال العام

رابع شيء سياسة القياده عندنا ، حنا صراحه مهملين وقيادتنا شاقه

وغيرها من الامور ..


up 0 down 0
ابوناصر 454 653
قبل 4 سنه و 3 شهر



شوف انا مااعرف عن السياره شي عشان ماافتي من راسي 
لاكن انت اذا وضعك المادي ممتاز وتقدر تتحمل صيانتها وجربتها قبل او استخدمت سياره من فئاته فالقرار النهائي لك 
ومن ناحية اسعار قطع غيارها فهي معروفه ان السيارات البي ام والرنج وغيرها من السيارات هذي قطعها غاليه وغالباً لازم طلبيه 
لاكن قبل ماتسئل عن الخرابات وعن سعر القطع ؟
اسئل عن الورش الي تعرف تصلح البي ام لان الي اشوفه ان مافيه ورش يتقنون اصلاحها بعض الورش  يتعلم ويصلح شي ويخرب الثاني واسعار شغلهم غاليه يستغل الزبون لان الورش الي تخصص بي ام قليله  
جاري معه مرسيدس 2003 لف الرياض كله ماحصل ورشه مثل الناس بعضهم يشتغل فيها ويومين ورجع نفس الخراب وبعضهم يقول خلها عندي وافحصها وتجلس يوم يومين وبالاخير يتصل يقول تعال خذه ماعرفت وش فيها 
والراي النهائي لك انت مقتنع فيها وقادرعلى صيانتها فخذها ترا قطعها غاليه بطاريه فوق الفين ريال وكفرات الى اخره.. 


up 0 down 0
جعل من ربوني في الجنه 333
قبل 4 سنه و 3 شهر



مَسَـاء الخَـيْـــر على الجميع
قبل شراء السياره يجب تقييم نفسك انت
هل انت من النوع المحافظ واللي رجله خفيفه على الموتر؟
هل انت محافظ على الصيانه اول باول ؟
هل انت من النوع اللي يهتم بتركيب القطع الاصليه او مافرقت؟
هل انت من النوع اللي يسلم سيارته لاي احد ؟
بعد التقييم تقدر تقرر وش تشتري
اما الخرابات فكل السيارات تخرب لكن اذا انت مهمل فابحث عن السياره اللي
تخدمك وتكرف معك وصيانتها متوفره في كل بقاله
واذا انت محافظ فخذ سيارة فارهه مايضر

اما البي ام فانا مستخدم لها لكن عادي مو تيربو سيارة عمليه حلوه
لكن يبغا لها اهتمام ومحافظه
هناك عيب مصنعي في الجنوط الخلفيه دائما تتعرض لكسر
وبعد البحث اكتشفت عدة حلول منها انك تركب للخلفي نفس مقاس الجنط الامامي
الامامي 245 والخلفي 275 ركبها كلها 245 وترتاح للجنوط ال 19
او انك تركب جنوط 18 وترتاح من الكسر ومن صوت الاسفلت تزيد نسبة العزل اذا كان ارتفاع الكفر 50
وسلامتكم


up 0 down 0
رساله
قبل سنه و 2 شهر



عندي BMW 2013 740 ما يشتغل البلجكتر والشاشات الخلفية وش السبب


up 0 down 0
moomoo2020
قبل 3 شهر و 3 أسبوع