نصيحتكم يا اهل بي ام دبليو

والله شف اذا ميزانيتك محدوده ابعد عن البي ام
واحد من العيال شراء بي ام ب٥٣ وبعد شهر ونص خرب عليه القير وطلعت فيه خرابات واجده وصلحه بحدود ٢٤ الف بعدها باعه ب٣٢ 

ادخل على اعلانات المرسيدس والبي ام تشوف في كل اعلان انه مسوي صيانه دوريه ب10 الاف والي كاتب صيانه ب12 الف وبالفواتير والي يعلن سيارته بدون فواتير صيانه اوتاريخ الصيانه يكون جديد تقريبا يسومون السياره برخص التراب ليه كذا ؟ علشان الشاري بيطرح من قيمه السياره قيمه الصيانه الي بيسويها اذا شرا السيارة

يعني صيانتها ب ١٠ الاف !!
والله كثيره

يا حليلك يبو محمد وين انت عايش

اذا تبي شي رخيص نوعا" لكزس LS
الموديلات اللي قبل ٢٠٠٨ بس قليل النظيف و سعره يكون عالي شوي

قصدي رخيص صيانة و اعطاله معروفه و مراكز تعرف له

شف ياخوي البي ام من ٢٠٠٢ الى ٢٠٠٨ من اروع الموديلات كوني امتلك واحدة ولها ٤ سنوات مشكلتها الوحيدة طنجرة القير 

اذا انت موب راعي سرعة ٧٣٠ ممتازة الماكينة هذي من ٢٠٠٦ الى ٢٠١٥ نفس الماكينة ماتغيرت واذا تبي العزم والصبر ٧٤٠ جبارة ٨ سلندر 

القطع معقولة جدا في اصلي والماني وتايواني والصيانة سهلة موب زي اول اغلب اللي يذم مجرب موتر معدوم واكله وهذا شي طبيعي

ميزانيه محدوده
وتبي خردة بي هم دبليووو
انت كيف تفكر
ادري براسك تكشخ وتتميز ويعنننني معي بي ام
لاكن بتدفع الفاتوره
وبتعرف الالماني صح
.....
نصيحه الاخوان ماقصرو ردو و وفو و كفووو
شف لك سياره حبيبه تشيلك وتخدمك ماتخدمها تبهذل

اجل بي ام دبليووو و2006

وصلت خير معاك مستخدم للبيع ام من 9سنوات وجربت قديم وجديد ووسط وجميع المحركات حتئ 12سليندر وعارف كل أسرارها وخفاياها
اول شي اشكرك علئ اختيارك لأن مايختار البي ام الامزوق
البي ام سياره عمليه وتعطيك لكن موبلاش ركز علئ النقطه ذي
يعني اذا عندك امكانيه تصرف 5000الف في السنه علئ الأقل خذها وانت مغمض شرط انها نظيفه جدا ومعمول لها صيانه
اما اذا بتاخذ مهلوك بتدفع قيمتها أضعاف أضعاف انا في بي ام اخذتها من قصر الملك فهد كلفتني صيانه 70الف في سنتين و8 شهور
بس لاتخاف الموديل إلى ذكرته عملي جدا عيبه مخ القير والسيارة إلى اخذتها كلفت القيمه هذي لأنها 12سليندر وجددت اللون الخارجي والداخلي وصيانات متفرقه
انا اشوف عيب البي ام الوحيد ارتفاع أسعار أجور الصيانه تغير البواجي مثلا يطلبون 200ريال هذول المتخصصين
هذا العيب الوحيد ولاسعار قطع الغيار معقوله خصوصا انك راكب براند مشهور ترتيبها في الشركات الأكثر شهره عالميا 14
إذا أنت ياحبيبي تفكر انك تاخذ بي ام وتكرف سنتين ولا ثلاثه ماتحط فيها شي غلطان لازم تصرف عليها يعني تخصص ميزانيه للسياره زي البيت والقسط والكهرباء
إذا مطفرررر انحش عنها نصيحه لوجه الله
وانت فكر وشوف وضعك واش خراجك تتخارج منها ولا لا
كمان في حاجه مهمه انك تكون ملم بالميكانيكا حقت البي ام خصوصا اذا غشيم مره راح ينصب عليك لأن في أسرار في السياره إذا عرفتها راح تختصر عليك وقت ومال في الصيانه تكون عارف العطل
وماينضحك عليه هذي نقطه مهمه جدا وانصحك تزور موقع مبتدئ بي ام الخليج حتئ تعرف أسرار وجمال هذي السياره

مادري كم ميزانيتك لكن اصلا بي ام و 2006 مو كشخة جار عليها الزمنن

اذا بتاخذ الماني ياتاخذ موديل كويس او لا تاخذ 

اقلها بي ام موديل 2009 او اودي 2011 A8 او A7 

طبعا قطع الاودي حدث ولا حرج 

عندنا A8 2011  جاتلها صدمة مو قويه رفرف وشبك و شمعة وصدام

مكلفة 60 الف على حساب التأمين غير كذا الالماني مايحتاج بس لازم تكع

^^ موديل الحوت النظيف يفرض نفسه لحد الان وله نظرة وهيبة ٢٠٠٩ وفوق خرطي كلها خرابات مخ قير شريحة قير تيربو الخ ...

ياحبايبي الله يسعدكم على هالنصايح الطيبه 
ماقصرتوا 

البي ام مثل المطلقه يبي لها نفقه وضمان اجتماعي

740 هو الاحسن و المتوفر قطعه والكل يعرف له
730 فيه مشاكل حراره ومكينه مو ذاك العزم ولا مرغوب عند البيع

البي ام من واقع تجربه  اتكلم عن IL7بانوعها الي قلبه ضعيف ودايم يفكر بفلوس راح يوسوس من البي ام البي ام بعد تجربه اللي قلبه ضعيف لا يقربه موتر شرس جبار فخامه يعجبك  وقفك وكشخه وهيبه وخط  بصراحه  بعد ماجربته اذا مسك الخط تنسى كل ريال دفعته فيه 

تصدقون بالله كان حلم لي من اربع سنين ومن ركبته كني هسترت ههههه  توني قبل اربع شهور اخذت  سبع ميه وثلاثين  ٢٠٠٤.  ماشاء الله عليه   وماهمني كم اصرف عليه عاجبني مركبه له هيبته بالخط 

وصلت المرحله كل ماطلبني الموتر قلت هاك والله ماقصر عليه صرت اشوف الموتر جنب البي ام ولا شي قسم بالله

المواتر بصراحه جنب البي ام ولا شي  وش اسولف عنه عزم جبار وفخامه 

عندي سؤال للي جرب البي ام وش شعورك وانت خلف طارتها وماسك خط اتمنى الاجابه

مقبل على شرائها ياتري اهم النقاط ال اركز عليها وانا بشتري وهل x5 او x6 2008 بهم مشاكل يعني افضل من 730 li ولا لا

مقبل على شرائها ياتري اهم النقاط ال اركز عليها وانا بشتري وهل x5 او x6 2008 بهم مشاكل يعني افضل من 730 li ولا لا