أضف سؤال أو موضوع جديد          

احتيال اصحاب التشاليح

up 41 down 22
benz lover -29
قبل سنه و 11 شهر



السلام عليكم ورحمة الله وبركاته 

بدون اي مقدمات ياطويلين العمر مريت تشليح الحاير ابي جهاز ABS لموتري بي ام خرب علي فجاة دون سابق انذار عندي جهاز فحص تاكدت انه خربان المهم مريت اول تشليح قالي ١٠٠٠ مع التركيب ويقول حنا بعناه ١٥٠٠ امس وعيا ينزل بالسعر وكنت ابي دبات تلوث غلطة عمري اني فرغتها ازعاج صوت ورائحة كربون قاتله لا احد يقولي مالها دخل الموتر صافي ولا في اي اخطاء بالكومبيوتر 

حصلتهم ب ٣٠٠٠ !!! وبدون تركيب ويتكلم من طرف خشمه رحت وخليته اللي بعده اكتشفت انه داق عليهم ومعلمهم وش ابي عشان يمسكون السعر وانا سمعته يقول جاه وقفل الخط قلتله ابي اصطب خلفي صرفت ام الموضوع جلس يقول ها هههه قلتلع من قال ها سمع ومشيت اللي بعده قالي كم تبي تدفع اخر شي مع المكاسرة وطلوع الروح كلهم ب ١٠٠٠ مع التركيب وللعلم تركيب الدبات يلزم رفع الماكينه فوق بالونش يعني حوسة اما جهاز ABS تركيبه بسيط الشاهد ياشباب اصحاب التشاليح عبارة عن عصابات ماتخاف الله والمصيبة جالسين يكشون الذباب ماعندهم شغل ومرسلين مناديبهم ااسودانيين بالشوارع كنهم شريطية لا جيت عندهم صكوك وانت ماتشوف الدرب دايم اقولها للي يشتري سيارة او بروح التشليح فصفص باجة وموية حلل ام التشليح بتلقى ناس سمحين بالبيع لان الشغل تعبان اللي بداية التشاليح لعابين

ادخل داخل وخذ فرة محترمة الاجواء لطيفة جدا الان فرصة وتلقى مواتر شبه جديدة توهم مايعرفون اسعار قطعها يرمي سعر من راسه وعن نفسي افضل اسال عن قيمتها جديدة قبل لا اروح عندهم من باب الاطلاع لان بعضهم هداه الله يبيعها اغلى من قيمتها وكاله !!!

هذي تجربتي لليوم ونتمنى لكم الفائدة ....

 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مشكووور يابعد حيي على الافادة
والمواضيع الجميلة والتنبية والتوفير
ومثل ماذكرت لاتستعجل
توجة للوكالة او موزع معتمد وشوف سعر القطعه
وبعدها على التشاليح خذلك فرة وقارن الاسعار وخذ الافضل



up 10 down 3
الرفاعي33 13907
قبل سنه و 11 شهر



معروف الشي انهم عصابة وشللية والسيارة النادرة يرفع سعرها بسعر الوكالة اذا ما كان اغلى منها ومتفقين على سعر واحد
عن نفسي اروح اشوف القيمة في قطع الغيار كم وبعدها افر التشاليح الداخلية اما اللي تجيك اول شي اهرب منها


up 7 down 0
عاشق الليل 2100 180
قبل سنه و 11 شهر



اي قطعه سعرها بالوكاله والموزعين جديد اذا رخيصه حلو واذا غاليه شف التشاليح لكن احيان اسعار التشليح اغلى من سعر الوكاله دبل ومريت بتجربه


up 5 down 1
كارينو 567
قبل سنه و 11 شهر



يا رجل اذا مقص اكورد 2013 يبيعون ب500 مستعمل

وهو وكاله عند الموزعين هوندا 300 كامل مع الجلب


up 10 down 1
جاي امس 425
قبل سنه و 11 شهر



دايم التشاليح يكلمك من طرف خشمه ويبالغ بالسعر
كنت ابي جنط ١٧ للالتيما حقتي يقلك الجنط الواحد بـ٥٠٠
وفوق ذا وباين عليه تجاري

يبيلهم حل والله


up 6 down 0
ksa 507 16
قبل سنه و 11 شهر



اصطب خلفي كرولا بالوكالة ب 170 و بالتشليح ب 200 بدون تفاوض هههه

مكينة جمس 6 لتر ب 11 الف و اللي جنبه ب 6500 الالف




up 9 down 0
bindakheel 1109
قبل سنه و 11 شهر



حياكم ياشباب الاسعار مزاجية جدا رمية من غير رامي نادرا ماتلقى شي رخيص جدا على غير سعره لهم مناديب تلف على محلات القطع


up 6 down 8
benz lover -29
قبل سنه و 11 شهر



قد قولتها من اول
السودانيين امينيين في كل شيء وسمعتهم حلوة وطيبة
الا حقين التشليح للأسف نصابين


up 8 down 3
7ssom 419
قبل سنه و 11 شهر



صوت الدبات تأكد من الكنداسه

غالبا بعد فك الدبات يكون على الكنداسه ضغط أكبر و تطلع صوت

روح حفرة او محل شكمانات و تأكد الصوت من وين ما يوضح إلا تنزل

تحت السيارة و تكون قريب منها


انا من يوم سألت عن الطرمبة قالي ٤٥٠
وسألت عن البوري قالي ١٥٠ غسلت يدي من التشاليح

الطرمبة حصلتها جديدة يابانية ب ١٤٥ ريال



up 8 down 2
monjed salih 207
قبل سنه و 11 شهر



من خلال تجربة رح الصبح بدري بسيارة ثانية غير اللي تبي لها القطعة..
وانحر الزيود وكسر روسهم لأنه ضروري يستفتحون بك فهم عندهم اعتقاد أن الزبون الأول اذا ماشترى فاليوم ذا مشؤم،،
بعد العصر يمزمزون عليك وياكلونك بقشورك..


up 4 down 3
qefari2 42
قبل سنه و 11 شهر



لازم قبل ما تروح التشليح تروح الوكالة أو الموزع المعتمد لقطع الغيار وتسال عن الأسعار فإذا كان فرق السعر بسيط بين الوكالة والتشليح
فلا تأخذ إلا وكالة .


up 2 down 0
النهراني 271
قبل سنه و 11 شهر



والله تشاليحنا تجيب الهم
واحد طيرلي مرايتي الله يسامحه وقيمتها جديدة اصلية ب 950
التشاليح اقل سعر لقيته ب320
اخذتها من امريكا من تشليح برضه
كان قيمتها 180 ريال (50$) وكلمته وخفضلي السعر إلى 150 ريال (40$) مع الشحن

أيضا لي تجربة في شراء ايرباق دركسون التورس تشليح ب470 ريال من أمريكا أيضا


up 4 down 0
فورد530 1319
قبل سنه و 11 شهر



يازين تشاليح الامارات برخص الرخيص تحصل 


up 5 down 0
sam7srt 190
قبل سنه و 11 شهر



زي مره رحت ابي درج صغير قال 60  ونزله الين 40 وسحبت 
ورجعت له بعد اسبوع قالي ب 150 نصب عيني عينك


up 3 down 0
ra511 80
قبل سنه و 11 شهر



ياشباب في تطبيق بالجوال اسمه تشليح نت فكرته ممتازه القطعه الي تبيها تلقاها وبسعر ممتاااز


up 3 down 0
fasool2000 20
قبل سنه و 11 شهر



وعليكم السلام 

فعلن صدقت في استغلال بالتشاليح ولعب بالاسعار 

واحياناً يبيعون بسعر اغلى من سعر الوكاله 

ويرفعون الاسعار ويستغلون الناس خصوصاً اذا 
جيتهم بسياره فخمه او تدور قطع لها على طول 
يرفع بالسعر لان عندهم معتقدات ان الي معه لكزس
او رنج او بي ام  انه مطنوخ وبيدفع لهم وبيشتري 
مهما كان السعر  عشان كذا يوم شافوك بالبي ام 
قالو لك اسعار مبالغ فيها 


up 2 down 0
سبحان الرازق سبحانه 2479
قبل سنه و 11 شهر



من خلال تجاربي المريره بالتشاليح والمطاقات والهواش تأكدت انهم يكرهون السعودي
انتبه تلبس ثوب وروح لهم بلبس باكستاني >>> جد يا شباب لحد يضحك
وربي قدام عيني مجموعه باكستانيه شرو قطع برخص التراب والسوداني كان سمح معاهم
والشي الثاني فعلا روح الصباح بدري تلاقي احلى سعر ونظامي اخسف ام السعر
الشي الى ب 1000 اقوله ب 200 لمن نوصل لنص السعر طبعا شوي تميلح وابتسم واضحك معاه
بس تجيهم نافخ نفسك ما يطالعو فيك

السودانيه طيبين بس بالتشاليح نسو ام الطيبه


up 4 down 0
الملكيه 52
قبل سنه و 11 شهر