أضف سؤال أو موضوع جديد          

تجربتي لتركيب مبرد قير خارجي BMW E66 745

up 38 down 18
benz lover -72
قبل 5 شهر و 2 أسبوع



السلام عليكم ورحمة الله وبركاته اسعد الله صباحكم جميعا بكل خير

إستكمالا لموضوعي السابق ( تحويل المروحة الميكانيكية الى كهربائية ) انحلت مشكلة حرارة الماكينة ولكن اكتشفت في مشكلة اخرى اعظم الا وهي حرارة القير !! القير اصبح يعطيني تحذيرات ويفصل وينتفع ويفوت بالنمر شبكته بجهاز الفحص واكتشفت ان حرارته واصله 116 !!! القير يغلي بالداخل كانك مولع فيه حطب يجيلها مبرد صغير وبلف حرارة للمبرد غيرت بلف الحرارة شركة Behr نفس الوكاله قيمته 190 ريال المشكلة خفت شويات اصبحت ترتفع حرارته توصل 106 بعد مشوار نصف ساعة وهذا غير مقبول واحد من الأخوة الله يجزاه خير نصحني بتركيب مبرد خارجي انا كنت ضد الفكرة ما احب التوليف مريت الورشة السعودية للرديترات مكانهم اول شارع الجمعية عند اول تقاطع بالزاوية وانت جاي مع طريق الخرج وجهك شرق ( يشهد الله أنها موب دعاية ولكن وجدت فيهم دقة العمل بشكل غيرطبيعي الله لا يضرهم خبره 40 سنة ) وراني مبرد 22000 وحدة وفي اكبر 40000 ولكن قالي هذا يكفيك شركة هايدن امريكي يجي كرتون مقفل يفكه قدامك معاه ليات الزيت والصواميل وكل شي اتفقنا على 350 ريال مع التركيب ( يابلاش ) قيمته ب Ebay مع الشحن حول 500 ريال غير التركيب والانتظار !!!

ركبوه ليه امام رديتر المكيف خلف الشبك بطريقة احترافية

النتيجة ماشاء الله تبارك الله مغطتها مشوار من الصناعية لين المطار وماشي 160 بالاماكن الفاضية الحرارة ماتجاوزت 85 للقير وغيرت زيت القير مع الكارتير ( يجي الفلتر مع الكارتير ) نفس الرنج روفر فوج 2004 العزم ماشاء الله خرافي اختلف الموتر 360 درجة انصح بشدة اللي عنده حرارة بالقير يركب مبرد خارجي بيرتاح باذن الله

وتحياتي للجميع ...

https://gulfupload.com/i/00021/rwwut4sheuax.jpg
https://gulfupload.com/i/00021/ueq8tiqypbl6.jpg
https://gulfupload.com/i/00021/d67altxbqclh.jpg
https://gulfupload.com/i/00021/rd6davpurjo8.jpg







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


يلوموني في مواضيعك يابنز مشكور ع الموضوع والطرح الجميل وخلك مستمر ولا عليك من احد وربك بيجازيك بالاجر لكل من يستفيد من معلوماتك ان شاء الله 


up 7 down 7
abo- hassan -62
قبل 5 شهر و 2 أسبوع



ماشاء الله تبارك الرحمن .. كعادتك متميز يابنز لوفر

فيه حاجه نسيت تذكرها (( هل يحتاج المبرد اضافه زيت على الكميه الموصى فيها من المصنع ؟؟؟ )) بمعنى لو افترضنا ان القير يشيل 6 علب وانت ركبت المبرد الحين تزود علبه اضافيه وتوصل 7 علب .. او مايحتاج نهائي ؟

اتمنى تتأكد لان هالشي مهم لايصير ناقص وانت ماتدري


up 7 down 7
ابو هيثم 7 2064
قبل 5 شهر و 2 أسبوع



لا يالغالي النقص بكون بسيط حوالي نصف علبة لان المبرد لياته صغيره وساحب خط من ليات القير اللي تروح للرديتر يعني تزوده شوي وخلاص باذن الله ولكن تنبيهك اشكرك عليه لفتة ممتازة نسيت اذكرها ماقصرت


up 7 down 7
benz lover -72
قبل 5 شهر و 2 أسبوع



ما شاء الله

الله يوفقك اخي ويطرح لك البركة


up 7 down 6
ابوسيف12 182
قبل 5 شهر و 2 أسبوع



ماشاءالله موضوع جميل
وسعره فوق الحلو
المتعارف عليه سعر المبرد مع التركيب
من500الى700
هذا الي مركب عنده ربع السعر الي متعارف عليه
الصراحه غريب ركبه لك بذا السعر
لكن الله يوفقه دامه راضي بذا المبلغ


up 7 down 11
d7ooom777 426
قبل 5 شهر و 2 أسبوع



وعليكم السلام ورحمة الله صباح النور اذا كان تركيب المبرد امام رديتر المكيف وله قواعد خارجيه وبعيد عنه فوضعك في السليم
اما اذاكان مركب على رديتر المكيف مع الكلبسات فيمكن يسبب مشكله في رديتر المكيف شكر لك على موضوعك


up 8 down 5
130
قبل 5 شهر و 2 أسبوع



ماشاء الله تبارك الله
هذي المواضيع المفيدة للناس
اشكرك يابنز لوفرعلى طرحك للموضوع والتجربة
ولكم لايكات


up 8 down 7
تركي ابو فارس 64
قبل 5 شهر و 2 أسبوع



اعوذ بالله من ااحقد الشباب يعلقون ويجيهم دسلايكات لو انه سبو ماجاهم كذا !!!!! المشكلة مافي احد فيهم رجال يواجه وابراهيم التركي طلب مواجهتهم اكثر من مرة وماشاف الا غبارهم هياط ورعان


up 8 down 8
benz lover -72
قبل 5 شهر و 2 أسبوع



اخي بنز لوفر يسعد مساك اش رأيك في فلوكس واجن فايتون وكيف قطعها وصيانتها واستخدامها مشكورا
ولا نستغني عن نصايحك


up 4 down 10
محب السنه 222
قبل 5 شهر و 2 أسبوع



هلا اخوي حياك ماتنقع قطعها غير متوفرة فقط ماكينة وقير زي اودي a8 الباقي مختلف كليا ولا هو فيه فخامة وهيبة ماهي طبيعية 


up 2 down 8
benz lover -72
قبل 5 شهر و 2 أسبوع



مساء الخير للرجااااااااااااااال
امااصحاب الديسلايك ورعان مايعرفون شي
غ


up 3 down 10
تركي ابو فارس 64
قبل 5 شهر و 2 أسبوع



ااها عرفنا الورعان والله لوتحط بيدنك ورجولك ديسلايك
ماهمني
الرجال ينعدون على الاصابع
القافله تسير والكلاب تنبج


up 1 down 10
تركي ابو فارس 64
قبل 5 شهر و 2 أسبوع



اخوي بنز كيف ممكن اتواصل معك خاص؟ ممكن تكلمني واتساب رقمي الامريكي 5713259573+1


up 0 down 7
jeddah123123 155
قبل 5 شهر و 2 أسبوع



اخ بنز 

انا معي مديل ٢٠١٠ 
٧٤٠ 
طلع عندي تحذير الحراره مرتفعه 
مريت ورشه قال لي غير المبرد ضروري 
سوالي لك لو تكرمت 
وش هي انواع المبردات ( اقصد الشركات ) و هل فيه شركات بنفس جودت الوكاله 

حصلت مبرد القير بهر ب ١١٠٠ 
ولازم طلبيه 
وش رايك 
و هل يتولف لها مبرد خارجي ولالا المقصد لعمر اطول و لتبريد بامان و ما تخاف وقت الزحمه 




up 0 down 2
أبو مزيد 174
قبل 5 شهر و أسبوع