سؤال لمن جرب البي ام دبليو 730 موديل 2019

معليش اخوي من غير سؤال اي شخص ولا هو قصور في الاخوان ولكن
انت تنشد عن بي ام دبليو يعني تقنيه المانيه اعتقد الصناعه تكفيك
وبكل امانه كان نفسي اخذ لي بي ام دبليو موديل ١٦ ولكن ما الله كتب
توكل على الله وخذ والف مبروك مقدمآ

الله يجزاك خير ويرفع قدرك عند ربك لكن انا اول مره استعمل البي ام دبليو وخايف منها صراحه اخاف من كثرة الاعطال على حسب كلام الناس كل الشكر والتقدير لك اخي الفاضل

مثل ماقال اخونا adli
انت تسأل عن بي ام
ماهي افلووون لمتد
انا ماجربت لا اللماني ولا. أمريكي
لكن البي ام
حسب اللي اسمع من اهل الخبره
لازم تأخذه جديد أو شبه جديد
وعندك قدره ماليه تدفع ماتقول اح
ولا اي ورشه تعرف له

موتر ماعليه اي كلام له عيب وحيد المقصات الخلفية تنكسر نصين من حفر عادية هذا عيب مصنعي قيمة المقص 1900 ريال ولا غير كذا اطلق من اليخت ومايطلب

730 عزمها جيد بنظري تفي بالغرض ال 265 حصان مع 4 سلندر توين تيربو

ما دام انها ٢٠١٩ لا تشيل هم الاعطال لانه يغطيها الضمان ووكيلها من افضل وكلاء الالماني الي في السوق.
اذا السياره سعودية بيشملها غالبا صيانة مجانية في الوكالة يعني ما عليك الا البنزين.
اما اذا خليجيه بيختلف الوضع

فيها عيب واحد شفته متكرر وهذي في موديل 2016 مدري اذا صلحوه في الموديلات الجديدة او لا
الحصى يدخل بسهولة ويخرم الاديتر حق المكيف ومن ناحية التكلفة ما سألت

الف شكر للجميع وجزاكم الله خير ورحم الله والديكم

البي ام
والاودي
عجبتني فخامه ومنظر
سعرها جديد نار وبعد سنتين بنص سعرها
هاذي الانواع الي مايفكر ومرتاح ماديا