أضف سؤال أو موضوع جديد          

ماهو سبب انخفاض اسعار البي ام دبليو وقت البيع

up 4 down 1
abdulaziz7000 461
قبل سنه



السلام عليكم ورحمة الله
صباح الخير عالجميع وان شاء الله تكونون بخير وافضل حال
عندي استفسار بخصوص اسعار البي ام دبليو والسيارات الاوروبيه عموماً مثلا المرسيدس والاودي والبورش وغيرها من هذي السيارات
الاحظ كثير مثلا السياره سعرها ٤٠٠ ألف ريال وتلاقيها مستخدمه قليل مثلا سنتين وممشاها قليل ونظيفه بس تلاقي مثلا سعرها وقت البيع اقل من ٣٠٠ ألف يعني سعرها يطيح بسرعه والسياره مافيها عيوب وبعض الاحيان تكون على الضمان خصوصا بالامارات المستخدم رخيص ايش السبب؟ حتى في معارض بالامارات تبيع البي ام جديد بسعر يعتبر جدا رخيص انا قلت شكله هنا الوكيل ينصب بس بعد مابحثت لقيت سعر الجديد بالامارات ارخص من الجديد بالدول الثانيه مثل أمريكا وغيرها حصلت بي ام يبيعها الوكيل هنا ب305 وبالامارات ب240 جديد تخيلو الفرق 65 ألف ريال يعتبر جدا كبير فهذا شي جدا محيرني الصراحه ليش اسعارها نازله، وطبعا هذا الكلام ينطبق على باقي السيارات الاوروبيه والالمانيه
اعطوني ارائكم مشكورين والله يعطيكم العافية







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


وفبل يومين حصلت بي ام هنا بالموقع موديل 2015 ماشيه اقل من 30 ألف كيلو سعرها جديد وقت الشراء 400 ألف وطالب فيها 200 ألف يعني استخدام اقل من 30 ألف كيلو وطاح نص سعرها!!


up 2 down 1
abdulaziz7000 461
قبل سنه



لاحظت قبل فتره وللآن أن هناك بي إم فئة 730 وفوق إلى حجم 750 متوفره بكثره في الإمارات وعندنا في المعارض وأغلبها ممشاها 500 كيلو جديده وسعرها نصف سعر الوكالات وأكبر الظن أنها ليست ألماني وتجميع في دوله أخرى مثل الأودي تجميع جنوب أفريقيا


up 2 down 2
jakwar2004 424
قبل سنه



المرسيدس عكس ماذكرت يحتفظ بسعره لفترة أطول
طيب شوف اللكزز وكاله ب٤١٢ الف وبعد سنتين يادوب يجيب ٢٥٠ الف هذا الي يقولون مايطيح حقين التايوتا ههههههههههههههههههههههه


up 3 down 12
سراب600 3401
قبل سنه



ممكن يكون السبب ان في الامارات تقدر تجيب اي موديل فبتالي السوق مو محتكر ترفع سعرك اجيب اطلق من سيارتك واحسن منها من برا
ورسوم الجمارك عندهم 5% يعني اقدر اجيب فورد ماركيز 2007 ماشي 5 الاف ميل ب 30 مع الجمارك وكل شي ب 35

عندنا فوردات ماشية 250 تنباع على 35 و 40 والسبب السوق محتكر ما يمديك تستورد الا سيارة عمرها اكثر من 30 سنة او سيارة عمرها 5 سنوات

وعندنا رسوم الجمارك 5% اضافة الى الضريبة 5% ما ادري اذا في الامارات يطبقون الضريبة على الجمارك

هذا القرار له فوائد وله سلبيات

فوائده تنشيط السوق الداخلي بحيث البيع يكون داخل السعودية فقط والسيارات الي تدخل يا جديدة او كلاسيكة اما السيارات الي يستخدمها اغلب الشعب من 2011 الى 1995 ممنوعة من دخول السعودية

سلبياته الاحتكار كثير سيارات من برا رخيصة وشد بلد ما تقدر تدخلها السعودية الا بلوحات امارتية وبتالي راح يرتفع سعر السيارات السعودية

هذا جواب عمومي اما عن ليش السيارات الاوربية ينزل سعرها اتوقع هو لقلة الطلب عليها فيصير العرض اكثر من الطلب بتالي انخفاض حاد في الاسعار


هذا الكلام ممكن يحتمل الخطاء او الصح ولكن هاذي وجهة نظري بحكم اني مطلع على السيارات وايضا لي نية في معرض سيارات



up 4 down 2
mercy_sa 1075
قبل سنه



شي طبيعي السيارات الغالية وليست النادره فسعرها يطيح

مثل الروز تشتريها بمليون وبعد كم سنه شفها ب400 الف

البي ام او غيرها اصلن تباع عندنا بسعر خورافي وبالواقع برا يختلف

مثال المرسيدس عندنا تنزل اول موديل وتوصل 700 الف ثم تنزل وتنزل لين توصل لسعرها الحقيقي وتحصله ب300 الف

شف البي ام 2016 730 بكم كانت تباع وشف ال2109 الان بكم فرق شاسع ممكن فوق 80 الف


up 1 down 0
اودي666 234
قبل سنه



قطع الغيار غاليه ومن الوكيل اغلي
عدم انتشار ثقافه السيارات الاوربيه عند المجتمع وبالاصح ليس لها سوق عرض وطلب.
قوه السوق الاسيوي والمنافسه ب اسعار ارخص والخ


up 1 down 0
sterman 96
قبل سنه



ادا تبي تستغرب اكثر شف اسعار اودي ، رخيص ،، مثل اسعار الكيا ،،، وسبب كثر الخرابات
و بي ام ما له رغبه مثل المرسيدس ،،،


up 0 down 0
ايدج14 5
قبل سنه



السبب بسيط اللي يقدر يدفع 200 الف او 300 الف في سيارة مااعتقد راح يدفعها في سيارة مستخدمة الاغلب راح ياخذ جديد عشان كذا سعرها ينزل عكس السيارات المتوسطة سعرها في متناول الكل وكذا الطلب يكون عليها عالي بالتالي تمسك سعرها


up 0 down 0
faris.58
قبل سنه



بسبب الصيانه فقط


up 0 down 0
محمد شراي بياع
قبل 11 شهر و 3 أسبوع



بي ام من أفضل السيارات ولو تستخدمها راح تكتشف انها احسن سياره في السواقه
ولكن الورش ما يقبلون بي ام الا ورش قليله يعني صيانتها متعبه ومكلفه
و بخصوص قطع الغيار والله كان عندي بي ام شريت طرمبه ماء اصلي ب ٤٥٠
ويوم سألت عن سعر طرمبه الكامري ب ٧٠٠ وعليها شوفو الفرق علما ان ال بي ام ما تخرب ب سهولة
القطع تصمل فيها وتعمر


up 1 down 0
الشرقية ماركت 145
قبل 9 شهر و 2 أسبوع