نفضه بالسياره رغم اني غيرت كل شيء ولا راحت
1
0
إضغط هنا للإخفاء
السلام عليكم ورحمة الله وبركاته
عندي مشكله معقدتني.. وكلفتني مبلغ كبير ولا انحلت.. والله يعوضنا خير
وهي ان السيارة وهي واقفه فيها نفضه تجي وتروح.. بدون مايتحرك عداد الار بي ام
قالت لي الورشه.. اسباب النفضه والرجه هذي اللي تجي وتروح والسيارة واقفه
هي.. اما
بواجي
كويلات
تنظيف دعسه
تصفية بخاخات
وسويتها كلها.. لي وللعمر.. واخذت بواجي اصليه وكويلات اصليه بمبلغ وقدره.. وعطيتها اياهم.. وقالوا تطول.. رح وتعال بكره..
وكان ودي اكون فوق روسهم.. لكن للاسف قالوا تقعد يوم
جيتهم بكره.. وقالوا ركبنا البواجي ونظفنا الدعسه.. باقي تصفيه بخاخات وتركيب كويلات.. قلت الان تركبوها وانا معكم اشوف الشغل.. وقعدت فوق روسهم وخلصوا
واخذت السياره ويوم وصلت البيت ووقفت.. الا والسياره فيها النفضه ماراحت.. تجي وتروح.. مثل اول.. كلمت الورشه
وقالوا احنا سوينا كل شيء.. فوش نسوي اكثر
قلت الحين دفعت مبلغ وقدره وتقولوا وش نسوي.. قالوا كانت تحتاج تغير هالقطع كله.. يعني اصلا لازم تسويها
قلت انها كانت تمشيني ولا فيها خلاف. وانا جيت عشان مشكله النظفه.. وللان ماتصلحت..
قالوا والله احنا سوينا كل شيء.. قلت تشخيصكم خاطيء.. وكلفني مبلغ كبير..
ولا عاد رد
فوش الحل الحين
على الاقل ابغا اعرف سبب النفضه.. وبعدين بتفاهم معهم يسونها ببلاش.. او نشوف حل
علما تم فحصها كمبيوتر.. وما طلع فيها شيء الا طرمبة المويه.. وغيرت طرمبة موية اصلي وكاله وبلف حرارة وكاله وموية وكالة..
تكفون ابغا اعرف سبب النفضه.. عشان لا تسبب لي مشاكل.. وبعدين بتفاهم مع الورشه.. وان شاءالله يصلحونها بلاش
السياره بي ام دبليو 730 موديل 2010
إبلاغ
سيارات للبيع
الردود
تاكد من البخاخات ، البي ام فيه مشكله بخاخات
تاكد من تغييرها ، واترك الامور الثانيه بعدها
وشيك على شغله غير القطع اللي البواجي له او لا
مو ضروري نفس المحل مر محل ثاني افضل وتتاكد
عادة تخف النفضه شوي بالموتر بعد تغيير البوجي اذا الخلل من البخاخ لانه محترق
والبخاخ يكب بنزين
1
0
1
1
+تأكد من كراسي المكينه ممكن على بداية خراب تسبب نفضه خفيفه
وتحس بها اكثر شي ف الطاره تحسها تنتفض خفيف فيها زي الهزهه
2
0
1
0
1
0
ليتك قلت لهم يغيروا البواجي والكويلات قدامك
بالكثير ساعتين وماتوصل والبخاخات والدعسه تجيهم بكره
لكن الان حاول تتأكد ان البواجي جديده
ماتهم احد لكن الورش عندنا كثر فيها الغششششش
1
0
انا فعلا عندي كراسي المكينه تحتاج تغيير..
ولكن النفضه اللي فيها تجي وتروح.. واخبر ان كراسي المكينه تكون مستمره ماتروح وتهتز السياره لين ماتطفيها
اما النفضه اللي عندي كل ٥ ثواني تنتفض (يجيها مثل الرعشه) واحس فيها من عند القدم اعزكم الله.. يعني من المكينه
فهل كراسي المكينه ممكن تسبب نفضه تروح وتجي
وقلتوا ممكن تهريب بالثلاجه.. وبتاكد واشوف هل الثلاجه سليمه او لا
واول رد.. راح اشوف لهوز الفاكم (صراحه ما اعرف موقعه لكن بقولهم يشيكوا عليه)
1
0
اما بخصوص تنسيم الثلاجه فهو على الاغلب يظهر بشكل واضح اثناء المسير.
وافيدك بخصوص البواجي والكويلات هذه المشكله تكون على شكل تقطيع ..
اذا تبي تتاكد من الكراسي .. اسحب الجنط وحط اول وشوف الرجه بالماكينه نفسها، وكرر العملية ع الريوس.
اما بخصوص التنسيم فهو يكون له صوت تصفير اسفل الزجاج الامامي مباشرة وياثر على العزم
1
0
الاسباب كثيرة ولكن ابدا بالتالي:
اخوي اول شيء نظف حساس الهواء mass air flow الي في القربة بمنظف الكترونيات
وثانيا وغالبا هذي مشكلتك : اي تهريب هواء في الليات والاهواز بعد هذا الحساس يسوي نفس النفضة اللي تتكلم عليها
فضروري شيك.كل القفصان والمرابط وتاكد ان كل الليات مربوطة لين الثروتل مية بالمية
و ثالثا علبة منظف من ساكو.في التانك على نص البنزين اسمه marvil mystery oil
رابعا شيك على ربلة غطاء البنزين
خامسا تهريب هواء من وجيه الثلاجة او ربل الثروتل
سادسا نوع البنزين.
سابعا برمجة وعمل ريست للثروتل
ثامنا تاكد من اسلاك البطارية في الشنطة من والى البدي مع تربيطها بالكامل حتى السلك تحت الفرش
تاسعا اذا النفضة فقط اذا احترت السيارة قد يكون طرمبة ولكن كحل اخير بعد قياس ضغطها بالجهاز
و يفضل فحص كمبيوتر عند مركز عنده جهاز بي ام معتمد وليس جهاز فحص عام مع اعطائنا كود العطل
وبالتوفيق ولا تنسانا من اي دعوة طيبة
2
0
حساسة ومحطاتنا حدث ولا حرج في الشوائب ونظافة الوقود
2
0
او فلتر الهواء
انا على يقين ان مشكلة سيارتك بمنظومة تدفق الهواء، والورشة غالبا تطببوا بسيارتك والعذر جاهز (انت كنت محتاج تغيرهم اصلا)
اذا عندك فواتير بوجهك على شيخ الصناعية، خسروك قيمة قطع هي اصلاً شغالة وسليمة، وخسروك شغل يد، وخسروك وقتك وجهدك
لا تسكت عن حقك
1
0
فعلا طلعت المشكله بالثلاجه.. وهو ان البوابه انكسرت داخل الثلاجه.. و اكتشفوا برضوا انه فيه زيت بالثلاجه
وانحلت المشكله وانحلت مشكلتين ثانيه. كان فيه دخان يطلع من الشكمان اختفى.. وكان فيه صوت صفير من المكينه اختفى كان يجي وقت التشغيل
نزلت موضوع عشان تعم الفائده للجميع
والله يجزاك خير على حرصك ونصائحك والله يوفقك ويسعدك دنيا وآخره انت ومن تحب
0
0
كانت عندي نفس المشكلة في لومينا 2003 وكل واحد يفتي من عنده حتى واحد منهم قال لي روس المكينة بحاجة للتغيير
في النهاية واحد ميكانيكي مسك هوز الفاكم وصفيت المكينة وطلعت كل المشكلة منه
تأكد من الأهواز عندك
قبل 4 سنه و 10 شهر